هل اعتذار الرجل للمرأة ينقص من كرامته

بسم الله والصلاة والسلام على رسول الله


ايه رايكم فى اعتذار الراجل للست حبيت اناقش معاكم ده ولان الواحد بيتعرض لده فى حياتنا الاخت مع اخوها الزوج مع زوجته والزميل والصديق والجاروحتى الحبيب

رجالة كتير شايفين ان ده عيب وميصحش ازاى انا اعتذر و لمين لوحدة بنت او ست كرامتى متسمحليش طيب كرامتك تسمحلك انك مثلا تغلط ومش تعتزر ؟

ليه لو حسينا للحظة اننا ازينا مشاعر حد ليه منعتزرش ونصحح غلطنا ليه دايما مكبرين دماغنا ومطنشين


وشوفو المصيبة ساعات بيكون فى نوعيات من البشر بيكونو بره البيت لطاف ولو غلطوا ياسلام بيعتزروا وبيبقوا ناس محترمة ومع زوجته اوخطيبته زى ال......... بلاش اقول احسن ليه متحسسهاش انك بتحبها وانك متقدرش تعيش لحظة من غيرها وليه القسوة يبقى الواحد من دول مزعل مراته وقاعد متنك ولما مراته تروح تصالحه يقولها ابعدى شويه مش شايف التلفزيون ولما تكلمه يقولها رغى رغى افصلى ده التلاجه بتفصل وخلاص عودها هوه يزعلها وهيه تجرى عليه ولو عمل ايه فيها مبعتزرش رالمفروض هيه تجيله وتعتذرله

وقاعد ولاعلى باله ميعرفش ان اكبر حاجة تجرح البنت او الست هوه تجاهل مشاعرها وكمان استكتار كلمة حقك عليه ومش لازم بالكلام لو هايبص فى عنيها هاتفهمه وهتسامحه والله احنا طيبين قوى وبيضحك علينا من اقل كلمة

وفى رجالة بتبقى عارف انها غلطانة ويقول اصلى لو أ عتزرت هاتتعود على كده وانا كرامتى متسمحليش كل شويه اسف اسف مبحبش كده


واعرف انك لما بتتاسف ليها او تعتزر دة مش بيقلل منك بالعكس ده بيكبرك فى عينها اكتر واكتر

ومن هنا اقول مش لكل ولد بس وللبنات كمان لو حاسس انك زعلت اختك او حبيبتك او مراتك مش عيب انك تعتزر بس العيب انك تعمل الغلط وتتجاهل مشاعر الناس

وياريت اعرف رايكو ويارب الموضوع يكون عجبكو

اختكم المتواضعة المشرفة ساااندى

السلام عليكم

موضوع مثير للنقاش وقد تختلف الاراء حول الموضوع ولكن يبقى المبدأ الرئيسي والاسلوب المناسب هو تبادل الاحترام من الطرفين للاخر

قد يخطئ الرجل وقد تخطئ المراه ولا يضر احدهما ان يتنازل عن كبرياءه ويعتذر للطرف الاخر اذا كان مخطئ

لا تنقص كرامة الرجل او المراه اذا اعتذر اي منهما الى الاخر بالعكس سيزيد هذا من احترامهما وحبهما لبعض

اتمنى ان نتفهم ان علاقه الزوج مع زوجته وعلاقه الزوجه مع زوجها اطارها الاحترام والحفاظ على الطرف الاخر فلا يجرح احدهما الاخر تحت شعار الكرامة التي هي اصلا الرابط بينهما فكرامة المراه زوجها وكرامة الزوج هو زوجته

التفاهم .. الاحترام في اطار من الحب يتخطى كل العقبات ولا يجرح اي منهما اعتذارة للاخر

تسسسسسلمي على الموضوع الرائع ودمتي[b]

لازم الراجل مننا يكون حمش مع مرته علشان يحس برجولته وتعرف ان كل فيدتها ترعي البهايم والارض كمان نعتزر لها الله يرحمك يا رجوله

انتو طيبين اوى ماشى
لكن يضحك عليكوا باى كلمه دى نتناقش فيها ف الروم .....هههههههه
مش عيب ان الواحد يعتذر يا ساندى بالعكس ساعات الاعتذار السريع بيفدى الواحد من اشياء لا تحمد عقباها وانا عن نفسى كل يوم اعتذر لمراتى عشان مصروف البيت هههههههههههههههههه ومهرى اعتذارات من النوع ده
ومافيش حاجه اسمها راجل وست فيه حاجه اسمها انسان وانسان واللى انتى كاتباه المره دى يمكن كان موجود ايام سى السيد لكن دلوقتى كلنا متلطمين ورا لقمة العيش ماحدش فاضى يغلط عشان يعتذر ............
دايما كبيره ف مواضيعك
اخوكى / احمد الدالى