صداقة الرجل والمرأة

السلام عليكم

انهاردة احب اطرح معاكم موضوع اختلفوا عليه الكتير من الناس بين حرام حلال ممكن ومش ممكن وهوه صداقة الراجل والست فعلا فى صداقة ولا احنا بنضحك على نفسنا ناس كتير بتقول اول ما انقاشها بالموضوع ده انه حرام وانه ما اجتمع رجل وامرأة الا وكان ثالثهما الشيطان وناس تاني تقول ان ان الراجل والست لو محترمين واخلاقهم كويسة بتكون الصداقة ناجحة

طيب مين الصح؟

طبعا دايما بيبصوا للبنت او الست اللى بتصاحب ولد تكون ست مش كويسة او البنت اهلها مش عرفو يربوها
طيب على سبيل المثال فى العمل بيكون فى ستات ورجالة وعادى يعنى زمالة وساعات صداقة والناس كويسة ومفيش مشاكل الواحد احتار

اقولكو حاجة بجد انا وانا فى الكلية عمرى ماكلمت ولد ولا حتى كنت بساله الساعة كام لانى كنت بخاف من الامثلة اللى قدامى ابقى وقفة مع شلة بنات بالكلية ولو لقوا البنات بنت ماشية مع زميلها اللى تقولى يخرب بيت سينينك يافلانة شوف البت وعمايلها راحة جاية كل شوية مع ولد مع انى مشفتش عالبنت حاجة وحشة بس الكل بيتكلم عليها ولو شافها ولد تانى يقولك اخ البت دى مخلصة تعالى نروح نعلقها على الاقل انا احسن من الواد اللى معاه دة وبتتاخد عنها فكرة مش كويسة كنت بخاف لتحط فى الموقف ده لدرجة انى احيانا كنت بقول لنفسى زمانهم مسمينى الشاويش عطية حتى فى اخر السنة وبعد الامتحانات كنت بخاف لمجرد انى اطلب من ولد يشوفلى النيجة علشان الزحمة ومش عارفة انا كدة كنت صح ولا ايه؟

كان المفروض مهتمش لكلام الناس ولا انا كنت صح ؟

بس عارفين انا بحس ان الصداقة بين الولد والبنت الولد هوة اللى بيخليها فاشلة عارفين ليه لانه ببساطة بيحول الصداقة لكلام عاطفى يعنى الاول اصحاب واخوات وبعدها باسبوع بالكتير يكون قالها بحبك ومعرفتش بنات فى الكلية الا ماتقولى صاحبى تامر طلع بيحبنى والتانية تصورى هيثم اعترف بحبه لية والتالتة عمل انه بيحبها عشان الفطار هايكون على حسابها
واللى عايز يرسم نفسه قدام زمايله وانة واد جان والبنات بتجرى وراه وتلاقى الولد مصاحب نص بنات الكلية ماعلينا ده موضوع كبير

نيجى بقة لراى العلماء والدعاة بجد هيجننوا الواحد كل واحد منهم بفتوى طيب نصدق مين اذا كان واحد منهم بيقولك حرام الست تركب التاكسى مع السواق عشان دى خلوة اوتركب المصعد بتاع سلم البيت مع واحد دى تعتبر خلوة ومنهم المتشددين ومنهم اللى كول عالاخر وعجبى

ياريت اعرف رأيكو بكل صراحة واتمنى يكون الموضوع عجبكو اختكم سااااندى

الله يا ساندى انتى شجاعه يا بت على فكره وانا احييكى على الشجاعه دى
بس راييى بجد والله يا ساندى الناس كدا كدا بتتكلم يعنى لو ماشفوش على البنت حاجه وحشه يقولك ( بنت اللذينا الواعيه مصاحبه واد من بعيد عشان ماحدش يهرشها ) ومن النماذج دى كتير لانى على مدار عمرى لم ارى اى ناس تشهد لولد او لبنت على السواء بالاستقامه مفيش حد بيحي يقول على حد انه محترم والمصيبه انه لما بيبقى فيه محترم بجد هوه ده اكتر واحد يشنعوا عليه ههههههههه بتضحكى ؟ بجد والله ......... المهم انتى بتلمسى مواضيع وحساسه وجرأتك احييكى عليها من اخوكى احمد الدالى واتمنى لكى التقدم دائما