ااخواتى احب اقدملكم شعر باعاتب فيه مصر اسمه ( اخر المطاف )
و اخر المطاف يا مصر ماعييش غير القلم والورقه
و باكتبلك يا مصر من كتر الجرح والالم والحرقه
و بقولك يا مصر من كتر الجوع قربنا نتعلم السرقه
و انا عمرى ماسرقك يأما الكرامه يأما الفرقه
فيكى شوية حاجات ياما اسمحيلى اقولهالك
و لو زعلتى منى معلش مانا برضه عيل من عيالك
خايف عليكى اوى ومش مريحنى والله حالك
هوه انا لسه ابنك ياترى والا انتى مش على بالك
ليه مصر حالك بقى مش زى اللى فات
وليه العيانين ياما طوابير عالمستشفيات
و ليه ابويا يتبهدل عالمعاش ف التأمينات
وليه بنبقى يا مصر ولا السردين ف الاتوبيسات
وليه شايفه كل ده وانتى ولا همك
وانا لو مش عارفك صحيح كنت قلت يا تقل دمك
و الله لو ليكى ام كنت اشتكيت لامك
بس برضه معذوره جسمك بينزف ولسه بتتبرعى بدمك
من اخوكم الدالى يارب تعجبكم
موضوع: الدالى قصيدة ( اخر المطاف ) 
