ساندي على كرسي الاعترااااااااف ... لقطتك يا هربانه

السلام عليكم ورحمه الله

بالعاده يلي بحطنا على كرسي الاعتراف بيكون ساندي وال ايه كل يوم خميس بتكون جهزت كل بس المرة هااي لانه اخترنااها عم تتهرب الها يومين

ايه الهروووووب داا ... ما تخاافي يا عسووله رح طلع فرق يومين هربتي فيهم ورح حط اسئله 3 ايام

بس يلا قبل نبتدي ارتااحي عالكرسي





نبـــدآ بـالآسئلـــة الآن ..

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟

16-افضل شخصيه في رأيك ؟

17-فنانك ومطربك المفضله؟

18-لو خيروك تكون مشرف أي قسم تختار ؟

19-من هم الأعضاء اللي تود مصادقتهم ؟

20-من هم الأعضاء اللي تتمنى تشوفهم؟

21-من العضو اللي تحب يضيفك لقائمة الأصدقاء ؟

22-رأيك بـ الصداقـه بيـن الجنسيـن؟

23-عضو عاجبتك صورته الشخصيه وتوقيعه ؟

24-عضو نشيط... ؟

25-عضو مفقود... ؟

26-عضو واثق من نفسه ... ؟

27-عضو داخل مزاجك ... ؟

28-عضو تتمنى تلقتي به ... ؟

29-عضو مثقف ... ؟

30-عضو نفسك تغير اسمه ... ؟

31-عضو نفسك تكفخه هههه ... ؟

32-عضو نفسك تقول له ( برافو عليك ) ... ؟

33- عضو تبي تهديه بيت شعر ايش هو بيت الشعر ؟

34-ماهو رأيك بالحب ؟

35- صــف نفســـك بكلمتيـــن فقـــط..!

36 -مــاهــو الشــئ الذي ندمــت علــي عمـلــــه؟!؟

37 -كـلمـــة تمنيـــــت ان تسـتطيـــع سحـبهــــا؟!؟

38 -آخـــر شخـــص تتـــذكــــره قبـــل أن تنـــــام؟!؟

39 -جــريمــة تتمنـــي لـــو تستطيـــع ارتكابهــــا؟!؟

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

41-شخـــص لطــالما حـــلمـــت بــــه؟!؟

42 -دمـعـــه انـذرفــــت رغـمــاً عنـــك؟!؟

43 -مـوقـــف صــدمــك ولــن تنســــاه؟!؟

44 -شـخــص تتمنــي الإنتقــام منـــه؟!؟

45-شــئ او عمــل لا تستطيــع مســامحته؟!؟

46-شــئ او شخــص غيــّر مجــري حياتـــك؟!؟

47-حلم لا تستطيـــع تحقيقه؟!؟

48-كلمة تود سماعها كل يوم؟!؟

50 -طالع رحله بريه من تاخذ معك ؟؟

51 - غرق المنتدى ومعك قارب مايشيل الا ثلاثه من تاخذ معك ؟

اتمنى تعجبكم الاسئلة ... واسفه على الاطالة ...

يالا بقى بسم الله حلال الله اكبر
1- اسمك ايه
2- بتهربى من ايه باسلوبك ف الشات
3- جربت الحب ايه رايك فيه
4- الاجابه على سؤال مقالى يجب احترامها لا احتقارها اجبارى
5- انتى عندك هموم شايلاها ف قلبك صح
6- حبيتى قبل كدا من طرف واحد
7- تعليقك بكلمه قصيره على كل شباب الروم
8- تعليقك بكلمه قصيره على كل بنات الروم واوعى تنسى حد
9- لو الود بتاعك اتصل الساعه 3 الفجر وقالك انزلى وحشانى وعايزك تعملى ايه
10- انتى ليه جربتى السجاير وسيبتيها ههههههههههه
11- ايه رايك ف الحب من اول نظره
12- ايه رايك ف واحده تحب يبقى السباب حواليها زى الرز
13- ايه رايك برضه ف واحد يحب البنات تبقى حواليه زى الرز
14- انتى مخبيه ايه ورا روحك المرحه
15- امتى بكيتى من قلبك وبحرقه
16- امتى اول مره حد باسك وكنتى مش واخده بالك يعنى خطف ؟
17- ايه مواصفات الكز اللى عايزاه
18- لو الواد بعد 20 سنه حب قالك معلش مش هانقدر نكمل تعملى ايه هههه
19- لو حبيتى واحد مووووووت ومعجتيش امه والجوازه باظت رد فعلك ايه
20- فطورك المفضل وغداكى المفضل وعشاكى المفضل
22- اكتر ولد خفيف على قلبك بالروم
23- اكتر بنت بتحبيها ف الروم
24- انتى بتعرفى تسوقى سياره
25- انتى شغاله ايه
26- انتى خريجة ايه
27- ايه رايك ف البنت لما تكون وحشه وتقول انا حلوه ومدملكه والف مين يهوانى هههههههههه
28- اسم الواد اللى بتحبيه ورقم موبيله وعنوانه عشان نخدمه بسرعه بدون تفكير
29- كام مره قكرتى تخلصى من حياتك وليه
30- حد عرض عليكى حبه قبل كدا وعملتى معاه ايه
31- ايه رايك ف عربيات الفشار هههههههههه
33- بتحبى اكل الشارع وقعدة الكافيهات
34- بتعملى ايه اول ما تصحى الصبح بعد الصلا طبعا
35- اول موبيل تكلميه الصبح يكون مين
مين اللى لو غاب من الروم تبقى مبسوطه هههههههههه
كفايه كدا عليكى لما احضر حبه كمان وعايز ردود تقنعنى مش عايز هبل ماشى تقبلى رخامتى اخوكى الدالى

شروق

بالعاده يلي بحطنا على كرسي الاعتراف بيكون ساندي وال ايه كل يوم خميس بتكون جهزت كل بس المرة هااي لانه اخترنااها عم تتهرب الها يومين

وانا مالى يختى ما هما اللى منزلوش الموضوع كنت اسال نفسى انا يعنى بس كنت فاكرة نفسى هاكمل هروب بس انتى قفشتينى

يله نبتدى ياجميل

-اسمك المستعار ؟

مليش اسم محدد انتى عارفه كل شويه باسم

-سبب اختيارك لهذاالاسم ؟
بحب اهزر معاكو مش اكتر وبحبكو تحتارو شويه وبالاخر بقولكو

-الهوايات ؟

هواياتى كنت بحب العب الكره الطايره وبحب الغناء والرسم احيانا
-افضل شهـر بالسنه والسبب ؟
بحب قوى شهر رمضان بالنسبه للسنه الهجريه والميلاديه عادى كل الشهور عادى بس بحب شهور الصيف

-حلمك في الحياة؟
حلمى اكون اسره سعيدة زى اى بنت بتحلم ببيت المستقبل
واشوف والدتى دايما باحسن حال
-أجمل سنوات مرت عليك؟

اكيد سنوات الطفوله مبنبقاش شايلين هم حاجة ولا عارفين حاجه غير اللعب والتنطيط اجمل ايام
البرامج المفضلة؟
برنامج الدين والحياه برنامج دينى والعاشره مساءا وبرنامج البيت بيتك بس مشفتش البرنامج لما جددوه لمصر انهارده لسه

-شخصيتك ( عصبي ، رومانسي ، .......؟

بصى طبعا محدش بيتكلم عن نفسه بس انا شايفه انى طيبه ومش تستغربوا والله طيبه عصبيه احيانا وبتنرفز بسرعه ومتسرعه بس حنينه وقد المسئوليه بنسبه كبيره عاطفيه شويه بقعد زى الهبله اعيط عالافلام مش عاتقه فيلم الا لما اخلص علبه مناديل

-اجمل بلد زرتها ؟

من بعد مصر طبعا دبى جميله قوىىىىىى

ماهو لونك المفضل ؟

الاحمر والكحلى والنبتيى بس درجات معينه وبحب الفواتح عموما

-من هو مثلك الاعلى ؟
بعد رسولنا الكريم صلى الله عليه وسلم طبعا والدى رحمه الله ووالدتى

-ماهي حكمتك بالحياة ؟
حكمتى
لن ستمتع بالسعاده إلا إذا تقاسمتها مع الاخرين

وكمان حب لاخيك ماتحبه لنفسك

-ماالذي يحزنك؟

لما احس ان ماما تعبانه وبتكابر وبتتظاهر انها كويسه
واللى احنا فيه واحوال بلادنا اكتر حاجه تخلى الواحد يحزن

ما الذى يغيظك ؟

لما اكون بكلم حد ويتجاهلنى بضايق مووووت
ولما ادى اهتمام لحد والحد ده ميهتمش بيه ومش بالحب بس وبالعمل وباى مكان

ماالذي يفرحك ؟

لما اشوف والدتى بخير وبصحه كويسه
واقل كلمه حلوة بتفرحنى من اى حد حتى لو صباح الخير الكلمه الطيبه عموما

-افضل شخصيه في رأيك ؟
والنبى ما انا شايفه انتى شايفه حد بزمنا ده بس ممكن اقولالشيخ الشعراوى رحمه الله

فنانك ومطربك المفضله؟
بحب كريم عبد العزيز ورشدى اباظة واسماعيل ياسين والغناء ام كلثوم وشيرين ومحمد فوزى وعبد الحليم واصاله طبعا

-لو خيروك تكون مشرف أي قسم تختار ؟
انا مقتنعه بقسم الترفيه بس الافضل ان يكون فى قسم اسمه الكلام فى الممنوع يناقش مشاكل اجتماعيه وسياسيه اكون مشرفه عليه

من هم الأعضاء اللي تود مصادقتهم ؟
بدون مجامله كلهم زى العسل والله وكلهم اتمنى اصاحبهم

من هم الأعضاء اللي تتمنى تشوفهم؟

البنات كلهم والدالى ولودى

من العضو اللي تحب يضيفك لقائمة الأصدقاء ؟
بدون مجامله برضه كلكم يشرفنى تعتبرونى اخت ليكم

رأيك بـ الصداقـه بيـن الجنسيـن؟
بصى انا طرحت الموضوع ده هنا بالمنتدى وانا بالجامعه مكنتش مصاحبه اى ولد نهائيا لا من قريب ولا من بعيد لانى كنت فاكره ومازلت ان شباب الجامعه عايزين يحبوا بعض كده والسلام ومافى صداقه او زماله الا وتلاقى الواد يقولها انا حبيتك وكل صحابه البنات قالهم بحبكو
فلانتينو الكامحة تقولى ايه
بس لما دخلت الروم واتعرفت على الولاد اللى هناك المحترمين امنت انه ممكن يكون فى صداقه وحاسه انى لو عدت عليه مشكله وحكيت لاى حد والله كلهم هايقفوا جنبى وخصوصا انى بمجال العمل بقا ليه زمايل فى منتهى الاحترام
فنعم للصداقه الجاده المحترمه بين الرجل والمرأة

عضو عاجبتك صورته الشخصيه وتوقيعه ؟
نور ولودى حاطط لنا واد بعضلات تحسى انه فتوه المنتدى بيخوفنا وحاتم لو دى صورته جميله قوى ومفيش حد وقع هنا مشفناش توقيعات
عضو نشيط... ؟

شروق

-عضو مفقود... ؟
اسامى كتير قوى منهم هوارى مثلا وشاهر مفقود مفقود مفقود ياولدى

عضو واثق من نفسه ... ؟
احس اكرام

عضو داخل مزاجك ... ؟
شروق ودالى وكوكى

-عضو تتمنى تلقتي به ... ؟
نور

-عضو مثقف ... ؟
شروق ولودى ودالى

عضو نفسك تغير اسمه ... ؟
[color=blue]واحد لسه مسجل اسمه غريب اسمه عزيز بكل حالاتى تحسى ان الاسامى خلصت اللى فى الدنيا

نكمل اسئله شرررروق

عضو نفسك تكفحه ههه؟
والله انا لا اجرؤ على ذلك وليه الضرب الطيب احسن

-عضو نفسك تقول له ( برافو عليك ) ... ؟

كل اللى بالمنتدى بصراحة برافو عليهم بس نقول شروق والبرنس والدالى لجرئته

عضو تبي تهديه بيت شعر ايش هو بيت الشعر ؟
بصى انا مليش بالشعر قوى يعنى بس ممكن اقول
اليك اهدي باقات من الحب

اليك ابعث قوافل محملة باحلى الامنيات

اليك ابعث قلبي المملوء بك

فهل يكفيك عربونا لحبي

اليك ابعثني فعلي اكون كافية لايصال

من انت بالنسبة لي

دى لحبيب المستقبل

-ماهو رأيك بالحب ؟
طبعا منقدرش نعيش من غيره
الحب اسمى شيىء بالوجود واللى معرفش يحب يبقى عاش طول عمره وحيد
اختصر كلامى واقولك
إن الإنسان قبـل الحب شيء وعنـد الحب كل شيء وبعـد الحب لا شيء

صــف نفســـك بكلمتيـــن فقـــط..!
طيبه مرحه

-مــاهــو الشــئ الذي ندمــت علــي عمـلــــه؟!؟

سؤال فيه دهاء
بندم لما بقول لحد كلمه وانا متعصبه لانى ساعتها مببقاش واعيه لكلامى بس بعد مابروق بحاسب نفسى وبضايق من نفسى قوى لانى محبش ازعل حد منى

كـلمـــة تمنيـــــت ان تسـتطيـــع سحـبهــــا؟!؟
ههههه لسه اقرب حاجة قلت لعلاء الدين كلمه بهزار وفاكراه صغير وطلع حد كبير كنت اتمنيت الارض تنشق وتبلعنى موقف زباله

آخـــر شخـــص تتـــذكــــره قبـــل أن تنـــــام؟!؟
والدى رحمه الله واحشنى قوووووووى

-جــريمــة تتمنـــي لـــو تستطيـــع ارتكابهــــا؟!؟
اتمنى اقتل اى ولد يضحك على اى بنت باسم الحب
لان كلمه بحبك دى وعد عليه ولازم يصون الوعد ويصون اللى وعدها

حمـامة زاجـــل حاملـــة رســالة لـك,,,من من تتمنـى ان تكــون؟!؟
من اهلى فى مصر

شخـــص لطــالما حـــلمـــت بــــه؟!؟

فارس احلامى القادم

دمـعـــه انـذرفــــت رغـمــاً عنـــك؟!؟
بصى مصيبتى وشى وعنيه لو حد اى حد بنت او ولد احرجونى دموعى تنزل ومبعرفش اسيطر على دموعى ووشى بيقلب لطماطم وبيبان عليه جدا وانفسى مبقاش كده بحس انى ضعيفه

-مـوقـــف صــدمــك ولــن تنســــاه؟!؟
طبعا موت والدى رحمه الله ولانه توفى بدون اى سبب ومكنش مريض وكمان معرفتش الا تانى يوم فكانت صدمتين صدمه موته وصدمه انه مات فبل ما عرف بيوم وده ضايقنى جدا جدا كان نفسه اودعه

-شـخــص تتمنــي الإنتقــام منـــه؟!؟
انتقم من اى راجل يعامل زوجته مش كويس واولاده وميدلهمش اهتامه الكامل لان الرسول وصى الرجال على النساء ربنا يهديهم لينا

-شــئ او عمــل لا تستطيــع مســامحته؟!؟
بصى انا بسامح بس بحدود طبعا بس مش فاكره موقف معين الصراحه

-شــئ او شخــص غيــّر مجــري حياتـــك؟!؟
والدى بس للاسف بعد وفاته اتغيرت حياتى كلها

حلم لا تستطيـــع تحقيقه؟!؟
انى اقعد جنب القمر اشرب شويه نسكافيه نفسى ااقرب للقمر قوى ومشفهوش من بعيد
انى ارجع الزمن لورا وابوس رجل وايدوالدى واقوله انا بحبك قوى ومعرفتش قيمتك الا بعد ما توفيت

-كلمة تود سماعها كل يوم؟!؟
مفيش كلمه معينه بس الكلمه الطيبه الصالحة من اى حد حتى لو كانت صباح الخير او ازيك

-طالع رحله بريه من تاخذ معك ؟؟
اخد اهلى وبنت عمى الانتيم بتاعىولو ليه حبيب سيبك منهم كلهم واخده ونزوغ انا وهوه

غرق المنتدى ومعك قارب مايشيل الا ثلاثه من تاخذ معك ؟
سؤال رخم بس ممكن اخد فرح عشان اصغر وحده واكيد معاهم بنتين كمان نور وشروق ومى واكرام معلش مقدرش اسيب حد نقعد فوق بعضنا دى كلها كام ساعه ونوصل ولو غرقنا يبقى يانعيش سوا يانموت سوا مبحبش النداله

اتمنى تعجبكم الاسئلة ... واسفه على الاطالة ...

مالسه بدرى ومستعجله ليه ال اسفه عالاطاله دول كلهم 3 او 4 اسئله اه يانى انا كان مالى ومال اللعبه دى

معلش اكمل بكره اسئله الدالى ده كمان عايز له شهر يترد عليه

منكوووووووووووووووووووو لله

وادينى دخلت المنتدى وقريت الاسئله بصفه عامه شروق حنينه عليكى فى الاسئله والدالى يعنى بيرخم شويه عليكى عموما انتى الى بداتى ومتهيالى هاتجيلك حاجات رخمه كتير واولهم انا بس مستنى اكون الاخر برضه انتى مارحمتيش اذن فلن تجدى من يرحمك الله بعونك ياوزه

وسع وسع كله يوسع ساندى الغاليه

على كرسى الاعتراف

منوره يا ساندى مكانك

يارب الكرسى يعجبك ويكون مريح

يلا انا اروح اجهز شويه اسئله حلوه كده

وعاوزك تجاوبى عليها بكل صراحه

يلا مش هتاخر عليكى

مســـآإء ربيعيّ النسمآت ،،
مســأإء ٌتنظم حروفه أعذب الدُرر وأرق الكلمــآت *

[
اختى العزيزه]

شآمخه بـ حضــورهآ أينمــآ كآنت
لـ حرفــهآ مذاق عذب ..

/~

ببدأ ..~

ام جا ميكا الغاليه..


-| العادة التي ستغيرينها في المجتمع لو كان الأمر بيدك والعادة التي ستقومين باستحدامها ؟


-| اللون الذي ينسجم مع لون قلبك ؟


-| كتاب تمنيتي لو لم تقرأيه وكتاب تنصحين بقراءته ؟


-| لو كنتِ ستحضرين حفلة تنكرية ما الشخصية التي تحبين ارتداء ملابسها ؟


-| الفيلم السينمائي الذي صفقتي له بحرارة ؟


-| الإحساس الذي ينقصك هذه الأيام ؟


-| المكان الذي تحتاجين إليه الآن ؟



/~

لي عودهـ بإذن الله .،

آكمل الفرآغآت التآليهـ بالعضو المنآسب..




1/ عضو رهيـــب وخفيف دم ...........



2/عضو مآودك يغيب ابد .............



3/عضو تحس لو غآب يهجد المنتدى..........
4/ عضو تحسه مميز بموآضيعه ...............
5/ عضو يثير اهتمامك .................
6/ عضو تعرفه خارج المنتدى ................
7/عضو كآن نشيط وتحس انه صآر ماله خلق .................


8/ عضو ودكـ تدق حنك معه وتشرب شاي وتاكل فصفص...........
9/عضو تعرفت عليه عن طريق المنتدى ..................
10/عضو ودك تمطخه ...............



11/عضو تحسه خآرج عن النص دآيم...................!

نبتدى ونرد على اسئله الدالى

يالا بقى بسم الله حلال الله اكبر

ده يادالى على اساس انى خروف العيد وهاتدبحوه هههه ماشى

اسمك ايه ؟
ساندى

بتهربى من ايه باسلوبك ف الشات؟

بهرب من وحده فظيعه وكبت مسيطر على حياتى

جربت الحب ايه رايك فيه؟
ابقى كدابه لو قلت مجربتش بس كنت لسه صغيره خالص فميتحسبش بالنسبه ليه دا كان كلام عيال بس الحب بالنسبه ليه زى اللى بيتنفس من غيره نموت واحنا عايشين
يعنى موجودين بس بلا احساس ولا مشاعر
ويارب الاقى الحب الحقيقى

الاجابه على سؤال مقالى يجب احترامها لا احتقارها اجبارى؟


انتى عندك هموم شايلاها ف قلبك صح؟

اكيد محدش معندوش هموم بس بتختلف من حد للتانى كل حد بيبقى فاكر ان همه اكتر حاجه وانا بامن الله وسيباها على الله


6- حبيتى قبل كدا من طرف واحد؟
لا الحمد لله محصلتش وفى اعتقادى انه بيبقى عذاب مش حب لو الانسان التانى مش بادلك نفس الشعور
انا بيجروا ورايا كده كده كده يابنى

تعليقك بكلمه قصيره على كل شباب الروم؟
بص انا هاقولك اللى اعرفهم كويس علشان فى ناس معرفهاش فمينفعش احكم عليهم الا بسابق معرفه
الدالى اخف دم وحد جميل قوى
هوارى الواد الشقى بتاع الروم
بيبو الروش طحن بتاع الروم ودمه زى العسل
الجنتل الصامت وهادى احيانا
السندباد فاكهة الروم ومسبش وحده الا وعايز يشبكها ب25 جنيه
لودى من غيره الروم ميسواش وعم المسابقات اللى بيقولها بدم خفيف وروح تجذب الاشخاص ليه
مهند حد محترم قوووى
حاتم بحسه طيب ومحترم
البرنس بحس انه طيب
شاهر حد جميل ومحترم واخيرا كده حاسه انه بقى بيهزر اكتر من الاول ودخل فى قائمه خفيفى الدم
نمر دايما مش موجود ومشغول بس حد كويس
احمد اكس بى تحسه طيب بس بيحدف طوب وزلط وجزم مبيبقاش فاهم
قاسم الواد الشطور بالمسابقات
عبقرينو غلبان بس تحتار فيه عايز يتفهم كويس
احمد على واد زى العسل ودمه عسل
يارب مكنش نسيت حد ولو نسيت محدش يزعل انا عقلى مش دفتر

تعليقك بكلمه قصيره على كل بنات الروم واوعى تنسى حد؟

سوسن عاقله وهاديه وراسيه وبحبها
فرح عسوله
مى طيبه قوى
نوجا ريسه الروم والبنات الزعيمه
اكرام بحبها قوى زكيه واحيانا جد
نور عسل وسكر وقشطة كمان ودمها خفيف
سمارة برضه اعرفها بنوته زى العسل
طمطم محترمه جدا وجميله بحسها جد حبتين
وبرضه يارب مكونش نسيت حد

لو الود بتاعك اتصل الساعه 3 الفجر وقالك انزلى وحشانى وعايزك تعملى ايه؟
يعنى جايلى 3 الفجر اعمله ايه ده كلام هاقوله روح عند ماما ياشاطر النهار له عنين ولو صمم هاقوله تعالى وافتح البلكون وارمى عليه الاكل البايت كله ال 3 الفجر ال

انتى ليه جربتى السجاير وسيبتيها ههههههههههه؟
انته خلتنى جربتها وسبتها
انا عمرى ما جربتها بس طبيعى اكون شميت ريحتها لو حد بيشربها وبكرهها موت وبكره الرجاله اللى بتشربها اصل ملهاش اى معنى وكمان حرام
وصحتكم حرام

- ايه رايك ف الحب من اول نظره؟
مش بقتنع بيه اوى لان انا ممكن اعجب بحد ممكن لباقته شياكته وهكذا بس مش حب جايز بعد كده يكون الاعجاب يتحول لو كان الشخص ده اعرفه

12- ايه رايك ف واحده تحب يبقى السباب حواليها زى الرز؟
دى مريضه نفسيا بجد وعايزة تثبت لنفسها انها مرغوب فيها ومش واثقه فى نفسها وبعدين هاتعمل بيهم كلهم ايه هاتتجوزهم كلهم هوه واحد بس كفايه عندها ممكن يكون كل دول بصفاته واخلاقه؟

ايه رايك برضه ف واحد يحب البنات تبقى حواليه زى الرز؟
ده بقة الطبيعى بتاعكو معرفش ليه عاملين فيها يعنى حسين فهمى وده طبع عندكو ال يعنى الواد جان وهما مصاحبينه عشان يصرف عليهم بلا هبل البنات برضه بتتضحك عليكو وزى ماقلت ممكن بنت وحدة بحبها ليه واخلاقها واحترامها ممكن تكون كل البنات فىنظره وربنا يهدى

انتى مخبيه ايه ورا روحك المرحه؟
مخبيه كبت من الحياه هنا وانشغال بتفكيرى فى حياه المستقبل اللى مش عارفه هاكون فيها سعيده ولا ايه

امتى بكيتى من قلبك وبحرقه؟
يوم وفاه والدى رحمه الله عمرى مابكيت ولا هابكى زى كده عارف لما تكون بتبكى من غير دموع ومخنوق وحاسس انك هاتموت من الخنقه ولما دمعة بتنزل تحس انها بتحرق قلبك على اللى فقدته ربنا مايحكم على حد يارب

امتى اول مره حد باسك وكنتى مش واخده بالك يعنى خطف ؟
يالهوى باسنى لا مفيش والله الحمد لله بس لو كان حد عملها والله كان اخر يوم بعمره

ايه مواصفات الكز اللى عايزاه؟
الكز هوه بقه كز ربنا يستر على الاجيال اللى جايه
يكون متدين طيب محترم بيتقى الله فيه شكله مقبول وعنده شخصيه واحس انى ليه دهر اتسند عليه مش يبقى وخداه ميداليه انا اللى انزل اضربله الناس بالشارع لو ضايقوه ههههههه انا بهزر طبعا

لو الواد بعد 20 سنه حب قالك معلش مش هانقدر نكمل تعملى ايه هههه؟
يعنى عشرين سنه ويقولى اسيبك على فكره اول حاجة بنجبها فى جهاز العروسه الساطور والاكياس وبعدين عمرى ما ابكى على حد بايع ولو بعد 50 سنه اعمل بيه ايه وهوه مش عايزنى يبقى بزل نفسى وبصغر نفسى

لو حبيتى واحد مووووووت ومعجتيش امه والجوازه باظت رد فعلك ايه؟
ربنا ياخده هوه وامه هيه جايه تتشرط لو متمسكش بيه يبقى ميستاهلنيش وعمرى ما ابكى عليه بتاع امه خلى امه تنفعه

فطورك المفضل وغداكى المفضل وعشاكى المفضل؟
فطورى ممكن بيض اومليت وجبن وتوست مع النسكافيه
غدايا بحب النواشف ممكن فراخ بانيه او مشويه ومكرونه
العشاء علبه زبادى وجبن وحبه فاكهه او كوكتيل

اكتر ولد خفيف على قلبك بالروم؟
كلكو زى العسل بس نقول الدالىوبيبو

اكتر بنت بتحبيها ف الروم؟
والله من غير مجامله بحبهم كلهم

نتى بتعرفى تسوقى سياره؟
اتعلمت شويه صغيره وانا فى مصر بس بخاف موت وقلبى ضعيف فمكملتش والسواقه عايزة القلب الجامد دنا مبسوقش وببقى قاعده اصوت

انتى شغاله ايه؟
انتى جايه اشتغلى ايه سواق ههههههه
بشتغل شركه فى الاداره شغل بسيط وممتع وراتبه حلوووو

انتى خريجة ايه؟
كليه العلوم قسم علم الحياه النباتيه

ايه رايك ف البنت لما تكون وحشه وتقول انا حلوه ومدملكه والف مين يهوانى هههههههههه؟
ههههههه طبعا تقصدنى انا انا كنت بقولها بهزار ومع ذلك
انا الحمد لله انا جميله بشهاده الجميع

اسم الواد اللى بتحبيه ورقم موبيله وعنوانه عشان نخدمه بسرعه بدون تفكير
يعنى تخدمه انا وحشه يعنى ههههههههه وحتى لو بحب تفتكر اديكو رقمه وعنوانه عشان البنات تخطفه منى

كام مره قكرتى تخلصى من حياتك وليه؟
الحمد لله ولا مره واخلص ليه مفيش حاجة تستاهل اموت كافره بسببها

حد عرض عليكى حبه قبل كدا وعملتى معاه ايه؟
يختىىىىىىى كتير ما انته عارف شباب بلدنا بيحبو يجمعو مداليات كتير
وكنت برفض لانى مش بقتنع ان وحده تيجى تكلمنى على واحد وشغل العيال ده بتاع المدارس

ايه رايك ف عربيات الفشار هههههههههه؟
هههههه الفشار كتير والحمد لله عارف انته لما يبقوا لسه حبه ذره صغيرين تحطهم عالنار يقعدو يزيدو يذيدو لحد ما احنا نفرقع من الفشار

- بتحبى اكل الشارع وقعدة الكافيهات؟
اكل الشارع اه بحبه بحس ليه طعم جميل ومختلف سبحان الله ارزاق تقول ايه
ومبعدش على اى كافيهات نهائيا الا اذا كنا بمصيف مع اهلى طبعا

بتعملى ايه اول ما تصحى الصبح بعد الصلا طبعا
بص حاليا انا اصحى اصلى وعلى بال ما الفطار يجيى اكون نمت تانى ممكن فى الحمام او على كنبه الانتريه او حتى الارض مبتفرقش ولو كنت مصحصحة النسكافيه علشان افوق

- اول موبيل تكلميه الصبح يكون مين؟
اما الشغل بيستعجلونى عشان السواق بيكون مستنى او ماما بتتطمن عليه

مين اللى لو غاب من الروم تبقى مبسوطه هههههههههه؟
ايه الاسئله دى اكيد اى حد قاصد يعكنن علينا ويفرح اننا نتفرق

كفايه كدا عليكى لما احضر حبه كمان وعايز ردود تقنعنى مش عايز هبل ماشى تقبلى رخامتى اخوكى الدالى

تحضر ايه حرام عليكو وربنا ليومك يجيى يادالى وهاتشوف هاعمل فيك ايه ال احضر هوه عفريت هاتحضره كما تدين تدان ماشى

عموما اسئله صعبه وبشكرك انته وشروق وربنا يعدى الاسبوع ده بقه على خير

اختكم ساندى

الرد على اسئله عبقرينو

مســـآإء ربيعيّ النسمآت ،،
مســأإء ٌتنظم حروفه أعذب الدُرر وأرق الكلمــآت *

[
اختى العزيزه]

شآمخه بـ حضــورهآ أينمــآ كآنت
لـ حرفــهآ مذاق عذب ..

/~

ببدأ ..~

مشكور عبقرينو كلك زوق والله

العادة التي ستغيرينها في المجتمع لو كان الأمر بيدك والعادة التي ستقومين باستحدامها ؟
العاده اللى احب اغيرها بمجتمعناهيه الضوضاء والنضافه بالشوارع وعدم تقليد الشباب للغرب

اللون الذي ينسجم مع لون قلبك ؟
الابيض

كتاب تمنيتي لو لم تقرأيه وكتاب تنصحين بقراءته ؟
كتاب اتمنيت مش اقراه وحده صحبتى مرووشه ادتنى كتاب هبل كده عن الجان وان الانس والجن بيتجوزو وحاجات زى دى قريت صفحتين ورجعتهولها تانى يوم
وكتاب انصح بقرائته كتاب عايزة اتجوز مكتوب باللغه العاميه للكاتبه غادة بس جميل جدا يموت من الضحك


لو كنتِ ستحضرين حفلة تنكرية ما الشخصية التي تحبين ارتداء ملابسها ؟
ارتدى زى السيندريلا لما راحت حفله الامير

الفيلم السينمائي الذي صفقتي له بحرارة ؟
بحب قوى فيلم دعاء الكروان

الإحساس الذي ينقصك هذه الأيام ؟
محتاجة قوى الحب والحنان محتاجة احب واتحب

المكان الذي تحتاجين إليه الآن ؟
اقعد ببلدى مصرى فى بيتى وسط اهلى

آكمل الفرآغآت التآليهـ بالعضو المنآسب..

عضو رهيـــب وخفيف دم ..الدالى

عضو تحس لو غآب يهجد المنتدى..شروق والبرنس واكرام

عضو تحسه مميز بموآضيعه ..لودى

عضو يثير اهتمامك ..نور

عضو تعرفه خارج المنتدى ....البنات كلهم

عضو كآن نشيط وتحس انه صآر ماله خلق ...نور كانت نشيطة واختفت

عضو ودكـ تدق حنك معه وتشرب شاي وتاكل فصفص..البنات كلهم طبعا

عضو تعرفت عليه عن طريق المنتدى ........البرنس

/عضو ودك تمطخه .........لايوجد طبعا

عضو تحسه خآرج عن النص دآيم................لايوجد

مشكور عبقرينو اسئلتك خفيفه لطيفه

ونرجع تانى للاسئله ونجاوب على اسئله شروق القمر

رووووعه ردودك

رووعه تعابيرك

يلاااااا حبيبتي اقدملك الوجبه الثانية من اسئلتي

ربنا يكرمك ياشروق ولاتكون اجمل من لباقتك واسلوبك الشيق

الصبح اول ما تفتحي عينيكي ايه هي اول حاجه تتمنى تقع عليهاا عينيكي؟

والدتى ربنا يخليهالى

وانتي طالبه ابتدائي كيف كنتي ؟

كنت عامله زى الفار الصغير مش باينه من الارض زى البليه وكنت شقيه قوى ومتصاحبه على المدرسين كلهم مش عاتقه وكنت بحب اللعب موووووت ولميضه والمدرسه وقتها كانت بالنسبه ليه زى العقاب يعنى لما اعمل حاجة غلط فى الاجازة ماما تقولى هاتسكتى ولا اوديكى المدرسه هههههه احترم نفسى على طول وكان المدرسين يقولو لاهلى بنتكم زكيه بس لعبيه ولو شغلت مخها هاتنفع بس الصراحه انا بكره المذاكره معرفش ليه

ايه درستي بالجامعه وليه اخترتي الموضوع ده ؟

انا دخلت كليه العلوم قسم علم الحياه النباتيه اللى هيابقه البيئه النباتيه بالنسبه ليه اصلا انا ارغمت على الكليه دى اللى هوه لما الطالب يخلص ثانويه تلاقى اهله فوق راسه ولازم تتدخل الكليه دى انته مش فاهم ولما قلت انا نفسى ادخل التربيه الموسيقيه قامت عندنا حريقه اللى هوه مجموعك مثلا يدخلك كليه كويسه تتدخلى كانك جايبه ستين فى الميه وهكذا فالبنسبه ليه كنت بدور على اى قسم يكون بالنسبه ليه سهل شويه

. وانتي في مرحله المراهقه وبدايات تشكلك كانثى ايه كان رايك بالحب والزواج؟
راى انه حاجه جميله وكنت ساعتها نفسى حد يحبنى قوى ولما كنت بشوف مشهد فى تى فى بحلم بقه بفارس الاحلام اللى شعره اصفر وعنيه خضره وابتديت احس انى عندى احساس جميل بيبتدى يتكون وشعور لذيذ اللى هوه ياسلام لو حد يحبنى واحبه ونفضل مع بعض لحد مانجوز وتخيلى ان انا متشعبطه فى ايده وبيعدينى الطريق انتى فاهمه الحركات دى

طبعا بيبقى كله تفكير لذيذ وقتها بس لما بتكبرى شويه وبتفهمى اكتر وتفتكرى مثلا من كام سنه بتتضحكى على نفسك وتفكيرك

اكبر وكسه عشتيها في ايام المدرسه ؟
اكبر وكسه مش فاهمه بس اقول مصيبه او حاجه انا عملتها
يووووووووووووه عملت بلاوى بصى كان عندنا نجفه جميله كنت كل يوم اجيب كرسى واحط عليه مخدات لحد ما اوصل للنجفه وابتدى ااقطع الكريستالات والحاجات اللى بتبقى بالنجفه دى واروح اوزعها عالعيال بالمدرسه واقولهم خدو ده ماس وكريستال قيم لحد ما ماما دخلت فى يوم لقت هيكل النجفهوطبعا اخدت العقاب

ومره تانيه اخدت ورق بابا مهم بتاع الشغل ورحت بيه المدرسه وضاع منى
انا كنت بعمل مصايب

اوصفي لينا حياتك بالجامعه ؟
كانت عاديه جدا جدا كنت بكره اروحها اصلا وكنت بغيب كتير وربنا ما كنت بقدم الشيتات بتاعه العملى وكنت اخر وحده تشترى كتب الكليه وكنت بروح لمجرد انى بروح وكانت وحده صحبتى قوى بتذاكر اول سنه وربنا من بعد ما عرفتنى بقت تجيب مقبول كنت بروح انا وهيه نطلع عالكافيتريا نضرب اتنين همبورجر والبيبسى ونروح والله ما بكدب
هاتقولى كنتى بتنجحى ازاى كنت بذاكر اخر شهر قبل الامتحان وربنا يخليللنا الواسطه وسنين الجامعه بالنسبه ليه شكل بعضهم وكنت مستنيه بفارغ الصبر اخلص الكليه وانجح علشان البيت

اول يوم ليكي بعد التخرج ... ايه كان رايك بالحياه وحلمك الكبير؟
بالنسبه ليه اخر يوم ليه فى الامتحانات باخر سنه دى عندى فرحه كبيره ومصدقت واحلامى هاتصدقى لو قلتلك مفيش ولا حتى بفكر فى العمل لان رغبتى مكنتش بالكلية دى خالص

عند رؤيتك لصديقه قديمه لم تريها منذ مده طويله كيف تتصرفين وخصوصا انها تظاهرت بانها لا تتذكرك؟
طبعا هاسلم عليها وان عملت فيها فاقده الذاكره هحاول افكرها وان عملت فيها مطرشه هاقولها فرصه سعيده وهامشى

عندما تضع ساندي راسها على السرير للنوم ما هو اخر شيء تفكر به ؟
بصى انا اصلا مش من النوع اللى اول ما يحط راسه ينام ممكن اقعد ساعه لحد ما انام بفكر باهلى وبدعى لوالدى واقعد اسرح واعمل فيلم فى خيالى لحد ما اتسطل وانام

بثلاث كلمات صفي الاشخاص التاليه :

* لوودي عصبى روحه خفيفه طيب

*اكرام عسوله جاده زكيه

*نوجااا دلوعه شقيه لبقه جدا

*نمر محترم هادىء متقن اللغه اللبنانيه

*نور السوريه معرفهاش قوى بس عسوله

*نور الفلسطينيه زكيه دمها خفيف وتستمتع باللباقه والروح الجذابه

*الدالي الدم الخفيف لبق جدا روحه حلوه وجذابه ومحترم

*بيبوو الواد الشقى الدم الخفيف ومحبوب من الكل

*السندباد مرح محترم شقى

*الجنتل محترم هادى احيانا صامت

*احمد ماتريكس هادى كسوف طيب

*احمد اكس بي طيب متسرع مش بيعرف بيقول ايه احيانا

*مهند مثقف طيب محترم

*تامر رضوان طيب محترم غير مفهوم

*كيمو الهواري الواد الشقى روحه حلوه مؤدب

*اليسا معرفهاش قوى بس محترمه

نسيتى تقولى ســــــــــــــوسن

اقولك انا
مثقفة طيبه روحها حلوة ومحبوبه من الكل

كدا انا خلصت ومشكوره ياقمر على الاسئله ويارب ردودى تعجبكم

ومنى ليكى احلى بوسه مووووووووووووووه طب خدى وحده كمان علشان الخد التانى ميزعلش مووووووووووووه

انا البت دى وانا صغيره

ونرد على اسئله الدالى ونقول بسم الله

لما حبيتى اول مره كان سنك كام سنه؟
كنت فى ثانيه ثانوى

مين قدوتك بالحياة؟

والدى رحمه الله ووالدتى

لو جتلك وظيفة موديل اعلانات وكليبات تقبلى؟
لا طبعا لانى اولا مرضاش انى اكون فتاه شبه عاريه افرج الناس عليه انا الحمد لله محجبه ومتدينه والحمد لله حجيت
وده مبدأ مرفوض

مين اكتر واحد بتكرهيه ف العيله؟
مرات عمى ست عندها كميه غل يخرابى رهيبه ودايما بتحطنى فى مقارنه مع بنتها اللى قدى وممكن تعمل اى حاجة علشان تعبر عن حقدها وانا مش بكرهها لشخصها ابدا انا بنتقد افعالها

اخر مره ابوكى ضربك قلم سخن؟
عليك حاجات عمره ماضربنى بالقلم بس كان بيهشكنى وانا صغيره لو عملت حاجة غلط كان غلبان وربنا مابيعرفش يضرب دنا كنت بتشاقى المفروض كان رمانى من البلكون

لو خرجتى الصبح مستعجله على الشغل ولما وصلتى لقيتى نفسك لابسه الشبشب تعملى ايه؟
ولا يهمنى لانى ببقى لبسع عبايه سمره طويله ومش هاتكون ملفته قوى هاكمل اليوم بيه عادى ده حتى شبشب البيت بقه ناو موضه

لو الواد اللى بيحبك اداكى ميعاد وانتى لبستى اشيك حاجه عندك وروحتى لقتيه لابس ترنج تعملى ايه؟
بص لو التريننج اللى لابسه عاجبنى عادى هاكمل وربنا انا مجنونه ولو كان ترننج مش حلو هاقوله امشى يامعفن روح غيره وتعالى انا مستنياك

لو واحده صاحبتك كل ماتشوف خطيبك تقعد تكلمه عشان تشد انتباهه ايه موقفك؟
هالفت انتباهها بالزوق لو مش سكتت هاعرفها شغلها ولو طلع الواد خطيبى هوه اللى مديها الفرصه عشان تقعد تعاكسه يبقى يومه ويومها مش معدى

لو مروحه واكتشفتى ان ماعكيش اجرة الماصلات ووقفلك واحد وقال على فين يا جميل تركبى؟
يعنى بالزمه هاركب
هاخدها كعابى ولو حتى مشيت يوم اركب معاه فين انته شايفنى سوزى

لو واحده صاحبتك لابسه وحش وعلقتى على لبسها واكتشفتى ان اختها سمعت تعملى ايه؟
طبعا موقف زباله وهاتمنى ساعتها اختفى من قدامها وهحاول اصلح كلامى او اقول مكنش قصدى عليهاكدبه بيضه كده وكده ههه

- لو خطيب صاحبتك اعجب بيكى وقالك انا هافسخ خطوبتى واجوزك ايه موقفك؟

طبعا عمرى ما ارضى اولا لانه خاين ومدام عمل كده معاها هايعمل كده معايه كما تدين تدان
وثانيا عمرى ما اكون سبب لحرج اىحد مبحبش النداله

ايه موقفك لو وقعتى ف الشارع وهدومك بقت زفت ومافيش مواصلات؟
اكيد هافضل واقفه لحد ماتيجى مواصله واكيد وحدة بنت حلال بالشارع تجيبلى مناديل او ميه المهم انى هافضل مكانى او اتصل على اخويه يجيلى ياخدنى

عايزه تعملى مكالمه مهمه ورصيدك خلص وواحد لعوب انتى عارفاه يتمنى تكلميه تطلبى تعملى المكالمه من تليفونه؟
والنبى لو موتونى عمرى ما اعمل كده لانى هاجيبله فرصه من دهب عشان يحتك بيه ويعملهالى بقه جميله ولازم اردهالو بمقابله ههه

عدد اخواتك واساميهم ومين الحلو ومين الرخم؟
بنت وحده وولد واحد يعنى لو ليه عشرين اخ واخت اكيد محدش بيقول على اخواته رخمين ورخامتهم هاتكون على قلبى زى العسل

- اكتر مصروف اخدتيه ف حياتك؟
كان عيديه 500 ريال ومصروفى العادى يعنى مرة كتير ومره قليل

اول هديه جتلك من حد بيحبك كانت ايه؟
بص وربنا ما كنت بقبل اى هدايا لان اى هديه بتفتح مجال لحاجات تانيه ومقابلات وكل ولد بيدى بنت هديه بيبقى وراه مصيبه
بس لامانه مره بنت اديتنى شريط كاست لمطربه انا بحبها وبعد ما اخدت الشريط بيوم قالتلى دى من فلان بس ضحكت عليكى عشان تقبليها بس مرجعتوش عشان كان استريو اصلى هههههه مش مضروب وعملت نفسى من بنها بعدها ههههه

اول هديه اديتيها لحد بتحبيه حب هه يعنى مش ماما وبابا فاهمه والا هاتعملى من بنها؟

مش هاتصدق لو قلتلك ظرف فيه مشطين بتاعوت الصراصير اللى فى الشعر عارفهم للواد وبعدها زعل كان بيلح عايز هديه وطمعان اديته الهديه معجبتهوش وربنا بجد مليش انا فى سكه الهدايا دى

رحتى خطوبة صاحبتك واكتشفتى ان ده الواد بتاعك اللى قالك اهلى ارغمونى على جوازى من بنت عمى علما بان صاحبتك مش بنت عمه تعملى ايه؟

لو طلت اقلع اللى فى رجلى واديله بيه على وشه هاعمل كده بس البنت زنبها ايه هامشى وهانسى عمرى ما ابكى على واحد خاين
لو واحد زميلك عرض عليكى يوصلك بعد الشغل وانتى راكبه قالك ماما تعبانه هانشوفها ف البيت وبعدين اوصلك تعملى ايه؟
اه انته شكلك بتتفرج على افلام قديمه كتير على فكرة الكلمه دى اتهرشت من زمان
بس اكيد هاقوله وماله ازورها بكره اصل عندى معاد ناو وكده اكون عرفت الانسان ده غير مهذب واخلاقه وحشه وابعد عنه نهائيا ال ماما ال

لو روحتى تزورى حد من قرايبك واكتشفتى ان الزياره مترتبه عشان تقعدى مع شاب هايطلبك تعملى ايه؟
هيه حصلت بالفعل كانت وحده قريبتى وزميلتى ورحت دخلتنى عالطول من غير ماتقولى ان فى حد جوه ودخلت لقيت الننوس قاعد مستنى سلمت وقعدت خمس دقايق وهرشت الموضوع وبرقتلها لما عملت فيها من بنها ومش فاهمه قلت معلش عن اذنكم عندى مشوار اخلصه وارجه وطلعت اديتها الطريحة لانى مبحبش الاسلوب ده وانها تفاجئنى وطبعا العريس اخد صابونه بس عارف لو كان واد حليوه وعجبنى كان ممكن ادى لنفسى فرصه افكر انا افتكرته جاى يخطب لابنه اتارى البعيد سنه 28 بس شكله مدى على 45 بلاوى

لو واحده اتصلت بيكى وقالتلك سيبى خطيبك ده بيحبنى وبيضحك عليكى تعملى ايه؟
طبعا ولا هاخد بكلامها وانا هبله يعنى مفيش دليل عليه بس هاخد بالى منه من غير مابينله اصل انا شكاكه قوى

تعملى ايه لو جوزك رجع بالليل مهدود عالاخر وريحه برفانه متغيره وعلى هدومه شعر غريب؟
مهدود من ايه مش فاهمه؟
مش هابين اى حاجة ولا كانى عرفت حاجة بس هاخد بالى كويس بعد كده اولا من نفسى وثانيا منه

نفسك تجيبى كام طفل واساميهم ايه؟
مش مساله كام ده رزق من ربنا بس ممكن 2 او 3 ان ربنا كتبلى وبحب اسامى الولاد مازن وباسم ويوسف وعبد الرحمن
والبنات بحب اسم بسنت ويارا و لين و جنى

انتى قلتى انا شغاله ف ادارة شركه شغاله ايه ف الاداره كرسى يعنى هههههههههههه؟
اكيد مش كرسى ولا مكتب يعنى هههههههههه
بص انا براجع على شغل زمايلى وبمضى بعدهم ومعايه الختم يعنى رايحه فى داهيه يعنى اى ورق لازم يعدى عليه وطبعا فى اللى بيراجع عليه منا مش مديره عارف انته الروتين لما عشرين واحد يمضوا على ورقه ده غير انه استغلو انى بكتب كويس عالكمبيوتر فبقيت بكتب شغل زمايلى على الكمبيوتر واطبعه واستلام فاكسات بس سهل جدا ومفيهوش تعب كتير وربنا يخليللنا الواسطه
لو واحد ف الشارع شافك وحب يترسم على واحد صاحبه وقاله انك كنتى معاه امبارح وانتى سمعتى الحوار تعملى ايه؟
عادى ولا هسال لو كانوا ميعرفونيش ولو مثلا ده كان جارى او اعرفه من الشارع هاقف وهاهزئه قدام صاحبه واحرجه بس الغالب فى الحالتين مش هارد

ايه رايك ف جواز الانتريهات اصلى زهقت من الصالونات؟
كل اللى اقدر اقوله انه ياما ناس اخدت بعض عن حب وجوازهم فشل وناس اخدت بعض جواز انتريهات ونجح بالاخر التوفيق من عند الله وانا سيباها على الله
وزى ما انته قلت الطيبون للطيبات والخبيثون للخبيثات

ورايى فى جواز الصالونات مش بحبه خالص

رايك ف النت عموما وف الشات خصوصا؟


النت عموما حاجة جميله بقت بتخلينا نشوف ونعرف اخبار العالم والمعلومات من غير اى تعب ونتعرف على حاجات كان ممكن منعرفهاش ولا نسمع عنها فى اللى بيستخدمه صح واللى بيستخدمه غلط وكل انسان رقيب على نفسه
وربنا السميع العليم

رايى فى الشات انا عمرى ما دخلته الا من شهرين كنت بتابع اخبار مصر من خلال الموقع لقيت حاجة اسمها قهوة مصريات دخلت كفضول معرفش انه شات عرفتكم بس كان باسم تانى الاول ولقيتكم محترمين وشرفنى انى عرفت ناس محترمه وخصوصا ان متاخده صوره عن الشات مش كويسه بس انا رايى انكو احلى ناس وكلكم محترمين وعلى خلق


- لو طلبك ممثل مشهور للجواز تقبلى؟
الاول هافرح ان مثلا ده عايز يتجوزنى ليها مميزات بس عيوبها اكتر
مميزاتها مرات فنان مشهور واتمتع ببميزات وغنيه والكلام ده
عيوبها هاتكون من حرقه دمى واعصابى معجبات وانشغال عنى وتليفونات و كمان فوق كل ده افتح التى فى الاقيه بيمثل مشاهد حب وبوس واحضان وعلى ايه انا بغير موت موووووووووووووووووووت
مش هرضى اتجوزه احسنلى هوه تنفعه بنت متحرره كول يعنى من بنات اليومين دول

مشكور يادالى على اللى انته عامله فيه ده وهيجيلك يوم اصبر اتمنى اللى يكتب بعدك اسئله يرحم شويه

هههههههههه ولله ووقعتي يخت ساندي ع الكرسي ومحد سمى عليكي انا معنديش اساله الخوه العظاء قامو بل واجب وكثر عندي ليك سوالين وياريت تجوبي عليها بكل صراحه السؤال الاول بي ماء انك عايشه في السعوديه ايه ريك فيها وفي شعبها بكل صرحه من غير مجامله؟ السؤال الثاني لو تقدملك شاب سعودي وكويس يا ترا توفقي عليه ولا تبي ابن بلدك؟ ياريت تكون اسالتي خفيفه عليكي ولكي كل احترمي وتقديري ....... اخوك حاتم..

الرد على اسئله حاتم

هههههههههه ولله ووقعتي يخت ساندي ع الكرسي ومحد سمى عليكي

متفرحش قوى كده ما انته مسيرك تقعد عليه انته كمان هههه

بي ماء انك عايشه في السعوديه ايه ريك فيها وفي شعبها بكل صرحه من غير مجامله؟

شوف مبدئيا قبل ما اجاوبك اقولك ان كل مكان فيه الكويس وفيه الوحش وهنا فى مصريين وادينا من بلد وحده بيعملو فى بعض عمايل ميعملهاش الغريب خلينى اقولك مميزاتكم وعيوبكم من وجهة نظرى المتواضعه اللى ممكن تكون صح وممكن تكون غلط

الشعب السعودى شعب طيب وكريم جدا وبتعرفوا الواجب وزى ما قلنا فيه الطيب وفيه ال.... بس انتو منغلقين على نفسكو والمجاملات والزيارات للقرايب والود مش قوى غير اما بفرح او عزاء لاقدر الله

يعنى مثلا انا ليه صحاب بنات كتير سعوديات وعلى علاقه طيبه بس هما مش من النوع اللى بيتصاحب قوى صحوبيه من بعيد لبعيد وكمان عندى جارتى دى كريمه جدا وحبوبه وتعرف الواجب وست محترمه جدا

وزى ما فى كده فى ناس من اللى بيستهزأو بينا وبيعيبو على طريقه كلامنا بالمصرى وسورى كاننا جايين نشحت منهم او اننا خدامين عندهم
وفى اللى بيحترمنا وفى الللا بيستهزأ بينا

وكل مكان فيه الكويس وفيه الوحش
بس عندكو الرجاله سورى عنيها فارغه شويتين
بس انا بحب اهل المدينه ومكه قوى بحسهم طيبين عن اى بلد تانيه
ومقدرش انكر ابدا فضل البلد دى عليه وعلى اهلى وانها اديتى من خيرها وما زالت

وجايز لانى بالرياض الحياه هنا زى القاهره عندنا كل واحد بحاله غير مثلا وادى الدواسر والبلاد الصغيره اسمع ان الناس بتكون عارفه بعضها اكتر الله اعلم واللى بيحترم بيحترم نفسه وكل واحد بيعبر عن بيئته اللى جاى منها
طبعا الكلام ده مش ليك لاى واحد وللمصرى قبل اى حد تانى


ني لو تقدملك شاب سعودي وكويس يا ترا توفقي عليه ولا تبي ابن بلدك؟
ايه ياحتوم انته بتفكر تتجوز حد من مصر ولاايه عموما انا ماما جابتلى الاجهزة الكهربائيه كلها من الكاويه لحد فرشه السنان اللى بالكهربا ههههه وهجيب مطبخ قبنورى بالتقسيط عارفه ده وياعم هاشيل السجاد خليه عليه شفت هاساعدك انتو عندكو بتشيلو الليله كلها هههه طبعا بهزر عشان الناس اللى بتحب الفشار هنا كتير وبيحورو الكلام

بص مش هاضحك عليك
زى ماقلتلك انتو عندكو الرجاله يتخاف منها لانكم بتتجوزو كتير وممكن 3 او 4 ان امكن
يعنى انا اعرف امثله هنا ستات مصريه اتجوزو سعوديين وعاشوا معاهم عالمره قبل الحلوه ولما كبروا رموهم واتجوزو غيرهم وبقت الست مش عارفه تعمل ايه تقعد مع ولادها اللى هما سعوديين ببلدهم ولا تنزل تقضى بقيه حياتها ببلدها
وده مثال من حالات كتير وبرضه بقول مش كل الناس وحشه ومش كل الناس كويسه
بس انا بالنسبه ليه بالفعل اتقدملى سعوديين منهم الكبير ومنهم اللى متجوز وحاجات زى كدا بس لرفضت
اولا افضل اتجوز مصرى علشان عاداتنا وتقالدينا تكون وحده فميحصلش مشاكل قدام نتيجه اختلاف الثقافات
انا مصريه بحب بلدى جدا جدااتمنى ولادى يكونوا مصريين زيىى وانا لااسيىء ابدا لاهل السعوديه ليهم كل الاحترام والتقدير
الا اذا حبيت واحد سعودى ساعتها هاضحى بكل حاجة وهاجرى وراه لحد ما نفسى يتقطع

مشكور حاتم اسئله خفيفه ولطيفه وسميره سعيد كمان اتمنى تكون اجابتى نالت اعجابك وبرضه بقول انا بحب وبحترم الشعب السعودى جدا
منى لاهل السعوديه الكرام

1_لو انتى ماشية مع صاحبك فى الشارع وللاقتيه بيبص لواحد جامد اوى فى الشارع وبيقولك شايفة البنت دية امورة اوى وكان نفسى اكلم واحدة زيها طبعا هيقول الكلمة دية فى سرة هتعملى ايه ؟

2_ولو انتى دلختى مكان معروف ومشهور ولاقيتى صاحبك مش عارف يتعامل مع الناس جوا يعنى مش عارف يكلم الويتر بأسلوب حلو بيكلمة بأسلوب وحش ولدرجة الناس عمال تبوص عليكوا هتعملى ايه ؟

3_وبردو السؤال دة للبنات لو لاقيت الولد بيشرب بصوت عالى اوى فى مكان برغم ان الصوت بيشد انتباه الجست جمبكوا هتعملى ايه ؟

4_ولو لاقيتى صاحبك جى عليكى وشارب مخدرات ومش قادر يمشى يا ترا هتكلمى معه وهتخرجى ولا هتمشى وهتسبية ؟

5_ ولو صاحبك وهو ماشى معاكى وراح طلع سجارة حشيش وعايز يشربها وهو ماشى معاكى هترضى انه يشربها وهو ماشى معاكى

6_ ولو صاحبك وانتى واقفة مستنياه لاقتية جايب واحد ومأنكجها وجى يعرفك بيها يا ترا هتعملى ايه ورد فعلك هيبقى ايه ساعتها
























7_ ولو حبيبك اوى وانتى بتحبية اوى دخل على النت ولاقاكى اونلين وراح جاب كل الناس اللى عندة اونلين وهما كمان يعرفوكى وراح جاب واحدة كمان وراح قال ياجدعان مش تباركولى انا خطبت البنت اللى معانا فى الانفيت والكلام دة وانت فى الانفيت هتعملى ايه

8_ولو صاحبك اتأخر عليكى زيادة عن اللزوم وكل شويه يكلمك على الموبيل ويقولك انا جى دلؤتى اهو اصل الموصولات صعبة وفى الاخر بعد متستنيه كتير اوى اوى يتصل بيكى ويقولك انا مش جى عشان فى ظروف وفى الاخر تعرفى انه كان مع بنت تانية رغم انك بتحبية

9_ولو انتى فى الف ترة اللى بتحبى فيها صاحبك شوفتى شخص تانى واعجبتى بية وحبيتة هتقوليلو ازاى رغم ان الشخص دة صاحب حبيبك وهتقولى لحبيبك ازاى لو هو رضى ؟

10_ ودة اخر سؤال وانا عايز اعرف ازاى البنت تخلى الولد يبطل سجاير ومخدرات لو انتى خايفة عليه وبتحبية ولو مقدرش هل هتسبية ولا هتكلمى معه.كانت معاكى مى






-ايه اكتر عيب موجود ف الرجل الشرقى؟



2-ايه اكتر صفة شكلية ترفضيها ف عريس المستقبل؟ يعنى قصير- اقرع كدا يعنى


3-تفتكرى عريسك يوم ميتقدملك المفروض يلبس ايه؟


4-ايه الحاجة اللى من وجهة نظرك تستدعى موقف ووقفة جامدة مع خطييبك لا يمكن تسكتى عليها؟


5-فرحكو مين من حقو يحدد مكانو؟


6-اول خناقة زوجية وزعقلك جامد اوى هيكون ردك ايه؟


7-بوظتى الاكل وميعاد رجوعو من الشغل خلاص هتحلى الموقف دا ازاى؟


8-اكلة هو بيحبها اوى وانتى مش بتحبيها خالص هتعمليها؟ ولو هتعمليها كتير ؟ ولا مرة من نفسو؟


9-فاتورة تليفون جت عالية اوى تتوقعى منو يعمل ايه؟


10-اوصفى حماتك؟ واللى ملهومش يتخيلو ممكن يوصفوها بايه

يارب الاسئله تكون عجبيتك يا ام جاميكا كانت معكم ع السفره الطويله مى

الرد على اسئله المفترى لودى

طب خدى باه اخر الاسئله من لودى بعد مافقت من الصداع

يعنى انته يوم ماتفوق من صداعك تفوقعليه انا معملتش فيك كدا لماكنت عالكرسى عموما ماشى يله نبتدى انا مش عارفه هارد اقوا ايه اصلا هاهبل وخلاص

كلا منا كان طفل يوما ما وكانا بنسال اسئله رخمه وعلى الام ان تجيب وان تكون اجابتها فى مستوى عقل ابنها عشان تقدر توصله المعلومه صح ومايفهمهاش غلط من حد تانى بره فتكون الكارثه نتخيل ناو انك ماما وانا ابنك الصغير وهاسالك وانتى تجاوبى انا عندى 4 سنوات اوك ماما ساندى

اوك بس مبدئيا هاسمى ابنى مازن وادلعه بميزووو

يعنى ايه جواز؟
الجواز ياميزو ان اتنين يحبو بعض زى انا وبابا كده ياحبيبى وبعد كده يتجوزو

انا جيت ازاى للدنيا؟
بص ياميزو انته عارف الزرعه الجميله اللى بنسقيها كل يوم انا وانته
هايقولى ايوم ياماما
هاقوله انته بتكون زى البذره الصغننه دى فى بطنى وكل يوم تكبر تكبر لحديفوتو تسع شهور وبعد كده يجيبوا السكينه ويفتحوا بطنى يلاقوك قاعد جوه يطلعوك وتبقى معانا وتكبر ننه ننه لحد ما تبقى قدنا كده بس لازم تاكل كويس هاه
حاضر ياماما هاكبر عشان ابقى قووووووى ومحدش يقدر يغلبنى واكبر بسرعه

طب ليه بابا مابيولدش؟
علشان ربنا خلقنا كده ماما هيه اللى بتجيب ننات وبابا هوه بيروح الشغل ويجيب للننات الاكل والهدوم

من خلق الله؟وموجود فين؟
بص حبيبى ربنا محدش خلقه ربنا هوه اللى خلق الناس كلها واحنا المفروض نقول الحمد لله انه خلانا نيجى الدنيا نقول ايه ياميزوو
الحمد لله وربنا فين ياماما
ربنا معانا ياحبيبى فى كل مكان بس احنا منقدرش نشوفه هوه بس اللى بيشوفنا وهوه بالسما فوق

ماهو الموت؟
مش انا قلتلك من شويه ان ربنا هوه اللى خلقنا وهوه كمان اللىلما حد بيموت بياخده عنده وكل الناس بتموت وتروح عند الجنه بتاعت ربنا زى جدو كده حبيبى هوه مستنينا فى الجنه عند ربنا

ماهى الجنه وماذا فيها؟وماهى النار وماذا فيها؟
الجنه دى جميله قوى فيها كل حاجه حلوة فيها اكل ولعب وكل حاجه نفسك فيها بس الجنه دى للولاد الحلوين اللى مبيكدبوش وبيسمعو كلام ماما وبابا وبياكلوا اكلهم وبيخلصوه

والنار دى وحشه للولاد الكدابين اللى مش بيسمعو كلام ماما وبابا واللى بيتشاقوا كمان ربنا بيحطهم بالنار الكبيره ويقعدوا يعيطوا هاتسمع بقه كلام ماما وبابا عشان تخش الجنه معانا ولا تروح النار ياميزوو
هاسمع كلامك ياماما عشان اروح معاكى حسان انا بخاف من النار الوحشه دى

ليه بتقوليلى ماتنامش مع اختك فى سرير واحد مع ان انتى وبابا بتنامو سوا فى سرير واحد؟
ماما ساندى ايه هى الغريزه دى؟؟؟؟؟
عشان بابا راح اشترى سريرين انته واختك واحد وكمان انته شجاع ومش بتخاف فتنام لوحدك انما السرير بتاعنا كبير مش صغير زى بتاعك ياخد اتنين فبنام عليه

ماما انا متضايق وعاوز اشرب سجاره زى بابا؟ سمعت بابا بيقول كده؟
طب اذا كانت السجاره وحشه بتشربوها ليه؟
لا السيجاره دى مش حلوه وعاده سيئه وانا هاقول لبابا يبطلها عشان هيه ببتعب الواحد وتخلى الناس تعبانين ونايمين فى السرير

ماما انتو ليه بتقفلوا الباب عليكى انتى وبابا ؟ودايما تقوليلى خلى الباب مفتوح بتاع غرفتك؟
علشان بابا ياحبيبى مبيحبش ينام على نور الصاله بيحب ينام فى الضلمه وبقولك افتح الباب علشان لو ناديت عليه اسمعك وعشان انا عارفه انته بتخاف من الضلمه

ردى ياماما ردى مع تحيات ابنك المودب لووووووووووووووووودى
مؤدب خالص مالص بالص
ال مؤدب ال

- ياورد مين علمك تجرح ,,, لمن توجه هذه العباره ؟؟
مش تستغربو من الاجابه اخويه

- اعتذار الرجل للمرأه ذل أم احترام للذات ؟؟
لاطبعا احترام وهوه بيكبر فى نظرها لما يعترف بغلطه وبيسقط من نظرها لما يكابر وميحاولش يصلح غلطه

- هل بحياتك قصة حب الان ؟؟
فى شعور جديد جميل ناو لسه بيتكون مش هاقول حب لان دى كلمه كبيره قووووووى

رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
العائله الحب المستقبل المهنى الصديق المال

وخلينى اوضح وجهة نظرى عيلتى لان اللى ملوش خير باهله ملوش خير بحد
الحب مقدرش اعيش من غيره
مستقبلى هوه اللى هاينفعنى عشان ومفيش صديق بقا بينفع فعملى اولى والمال والله اخر حاجة افكر فيها دى ارزاق وانا راضيه

-اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟بس اوعى تقولى نشيل كرسى الاعتراف ؟المثل بيقول من اعمالكم سلط عليكم
هاشيل كل المواضيع بتاعت الاعضاء التافهة واللى وجودها مبيعربش غير عن صاحبها
وهاناشد الاعضاء اللى مبيشاركوش ووجودهم زى عدمه واطلب منهم يحطو رايهم مهو ميبقاش مثلا منتدى بيه الف بالرقم واللى يشاركو ميه بس

سر لاول مره تقوله لنا؟؟
انا كنت بدخل مصريات باسم يارا البت ام صوت حلو منك لله يالودى خلتنى اقول

قرار اتخذته وتسرعت به ومن ثم ندمت عليه؟؟
قرار الجامعه لانى مصممتش على راييى كان نفسى اكون معيده بتربيه موسيقيه لانى صوت الى حد ما حلو وبعزف شويه عاالارج ومعيده هناك قالت ممكن تكونى معانا صوتك حلو

لا اسمع لا ارى لا اتكلم ,, متى تطبق هذه المقوله بحياتك ؟؟
ده مش انا بس دا الشعب العربى كله لما بنشوف غزة واللى بيحصل فيها فا احنا كلنا لانرى لانسمع لانتكلم وبجد مش بزوق كلام
بس عن نفسى انا مبسكتش وانتو عارفين

-قم بتوجيه نصائح الى خمس اعضاء قم باختيارهم انت ؟؟

مع احترامى للجميع طبعا اقول بس خليها بالروم
احمد اكس بى نقى كلامك وبطل ترمى جزم علينا واحنا قاعدين
مى اهمدى وبطلى تتدخلى اسكتى ساعات السكوت بيبقى من ذهب
لودى متقعدش تتعصب علينا وتزعق وتنفعل احنا اتفطمنا والله من زمان
عبقرينو نفسنا نفهمك اكتر من كده الصراحه الفترة الاخيره حسينا انك بتكدب علينا
نور كملى اختفيتى ليه مشاركاتك كانت اكتر من رائعه

-صاحبتك بترن عليكى وانتى مش معبراها ولقتيها فجاءه ادامك؟

اكيد موقف زباله بس هاعمل نفسى مضايقه بسرعه وعندى مشكله وعشان كده مبردش على حد هههههه انا مبغلبش

اتاخرتى مره عن الشغل ودخلتى للمدير بتقوليله كنت مريضه وتعبانه معلش دخلت عليكى واحده صاحبتك قالتلك ها ياساندى روحتى امتى من الحفله امبارح؟
هحاول اصلح الموقف لو منفعش استقيل بكرامتى اصله مش هايسبنى بحالى بعد كده

أتحبين الكلام مع صديقاتك عن مغامراتك الغرامية ؟
مش قوى العادى لو صحبتى قوى
بس لو بحكى من باب التفاخر والتظاهر انا مش كده خالص بلا وكسه محنا بنقعد نحكى وبيدونا بمبه بالاخر

-أتخافين العزلة والظلمه ؟
لا عادى بس الضلمه الكويسه يكون فى شويه نور حتى من بره الاوضه مش ضلمه كحل مش قاعده بالمقابر انا بخاف من العوووووووو

-أتحتاجين دائماً إلى مظاهر خارجية من العطف و الحب ؟
اكيد كلنا محتاجين للى يحبنا ويعطف علينا بس مش لدرجه الشفقه احنا مش بنشحت يعنى

-أتهتمين كثيراً برأي الآخرين ؟
اكيد محدش بيقدر يقيم نفسه الا من اراء الناس اللى حواليه بس مش كل الناس الموثوق فيهم فقط

-هل أنتِ من نصيرات التحرر النسوي ؟
كلمه كبيره قوى
بس انا كل اللى بدور عليه حقى واحترامى مش بقول بالفتونه بس من خلال الدين والشريعه الاسلاميه ولو كل راجل مشى بالدين مع زوجته كل حاجة هاتتصلح وعمر ما هايكون فى مشاكل

اكتبي 3 صفات لعريس المستقبل؟
متدين طيب محترم

ياترى وشك احمر ولا لسه ياساندى طب كفايه ولا اكمل مممممممممم متهيالى اكمل .................................................................
حسبى الله ونعم الوكيل فيك انته مجرم نكمل طبعا انا مبخفش

-على فرض انتى متزوجه وكل يوم تحطى مكياج لزوجك وبارفان وعلى ماتدخلى الغرفه بتاعتكم تلاقيه خخخخخخخخخخخخ بيشخر والحكايه دى بتتكرر كتير رد فعلك ايه ؟
مش هاهتم بيه خالص ولا احط لابرفان ولا غيره لما احس انه مهتم بيه اكيد انا كمان هاهتم بيه هه ولا يهمنى

اخر مره نافقتى امتى فى الروم؟
مش نفاق بمعنى نفاق بس بتبقى مجاملات ناس مش وخده عليهم قوى ببقى لازم ارحب بيهم بشكل كويس مش اكتر

-مين نفسك تطرديه من الروم لدقايق ؟ومين نفسك تطرديها لدقايق؟
الواد احمد اكس بى
والبنات ولا بنت ولو لثانيه كلهم مؤدبين وزى العسل ومحترمين

ياريتنى كنت ولد ؟امتى قلت الكلمه دى ؟
بقولها كتيررررررررررررررررررررررررررررررررررررررررررررر
لما كنت الاقى فى تفرقه بينى وبين اخويه كل حاجة ليه مباحة خروج وغيره عربيه واى حاجة وانا ممنوع انتى بنت وهوه ولد فى حاجات من وجهه نظرى عاديه
بس الحمد لله انا بحمد ربنا انى بنت اللهم لااعتراض

-حبيبك بييجى على بالك كتير ولا مجرد تفكير عادى ؟
اكيد بيجى على بالى بس موصلتش للدرجه اللى تخلينى ليل ونهار على بالى ومنسهوش لحظه لسه موصلتش للحب بعينه

ماهو اجمل اسم لولد واجمل اسم لبنت؟
باسم و جنى

-رساله تبعتيها لفارس احلامك تقوليله ايه؟
اقوله ياريت لو حبيتنى تحبنى الحب الصح وتعاملنى كويس ومتغدرش بيه ابدا مهما حصل لان اصعب حاجة الغدر ومتكدبش وتكون صريح وتفضل تحبنى لاخر يوم بعمرك لانى انا هاعمل كده

كدبتى فى كام سوال فى كل الاسئله الى اتقالتلك وانتى على كرسى لاعتراف؟
مكدبتش بس يمكن فى حاجات مديتهاش حقها فى التوضيح وده طبعا بارادتى مش بدون قصد احيانا بيكون فى خصوصيات مينفعش تتوضح قوى

لو كنت يوم انساك ايه افتكر تانى تقوليها لمين غير والدك ووالدتك واخواتك؟

اكيد الانسان اللى بحبه مش عايزة كلام انته جاوبت من قبل مجاوب وقلت مش لاهلك هايكون مين ام حسين

-لو قدر لكى ان تحكمى 50 رجل اول قرار هاتعمليه هايكون ايه؟
يجربوا يشيلوا مسئوليات زوجاتهم من اطفال ومسح وكنس وطبيخ وكله كانها اختفت من حياته مش هايقعدو اكتر من يومين الا ونكون بنشرب قهوه على روحهم

-اخر مره استعملتى فيها الفلايه كان امتى؟
هههههههههه مكنتش فاهمها بس شكرا عالتوضيح
عمرى بجد ما استخدمتها
جتك القرف دى اسئله

-اخر سوااااااااااااال حاسس ان وشك احمر اوى صح ولا انا غلطان؟
اكيد سؤال محرج بس ضحكت كتير لما فهمت معناه هههههههههههه

عاوز تدى لقب لكل من قام بسوالك وانتى على الكرسى؟
شروق الرحيمه نوعا ما
الدالى المفترى
عبقرينو اللطيف
حاتم الخفيف فى اسئلته طبعا
لودى المجرررررررررم

ماهو العيب الذى تريه فى كل من سالك هنا وبدون نفاق او مجامله ماحدش هايزعل وعلى فكره انا عارف العيب الى هاتقوليه عليه وبحاول انى اتخلص منه متهيالى عيبى اوله ع صح؟
سوسن مش شايفالها عيوب الصراحه
الدالى ساعات بيقول كلام زى كز بدل مز مش بفهمه هههههه مصطلحاته غريبه بهزر طبعا
عبقرينو مش مفهوم قوى
حاتم معرفوش للدرجه اللى تخلينى اقيمه
لودى انته رديت على نفسك الكل ملاحظ انك عصبى حبتين

واخر مره افترى على حد فى الاسئله

واشمعنه انا افتريت عليه الحيطة المايله بتاعتكو يعنى ماشى ياعم لودى وعموما مشكور على اسئلتك الرهيبه دى واتمنى ردودى تنال اعجابك

وبعدين ايه صورة الملاهى اللى تحت دى انته جايب عيال الشارع معاك ولاايه والحمار والفيل طبيعى يعنى الحمار يضرب الفيل دا الفيل لو نفخ فيه يطيره ولا الواد الاهبل اللى عمال يسقف فى الاخر ده عامل زى عبدو العبيط يله باى تعبتونى واللى من بعدى مش هايترحم

واقول لكل اللى سالونى انا بحبكووووووووووووو

ونقول باك ونرد على اسئله شروق القمر

هههههههههه ساندي
لقد قرات انا كل اجاباتكووجدتها كما توقعت وقد شكلت عنك الصورة التي حددتها اجاباتك

الان يا غاليتي مع الوجبه الثالثه من الاسئله وان شاء الله تكون خفيفه لطيفه عندك

يلاااا اتفضلي لعيونك

تسلميلى شروق
وميرسى على المشروب الجميل ده كلك زوءءءءءءءءءءءءءء

في اول يوم الك عالتشات , حصل معك حاجه غريبه وكيف كان شعوورك؟

كنت بتابع اخبار مصريات من خلال الموقع لقيت حاجه فوق اسمها قهوة مصريات دخلت
واصبت بزهول عالم تانى وناس كتير وساعتها كان تيتو على المايك يشغل اغانى ويتكلم وناس بتكتب وضحك وكانهم عارفين بعض كنت مدهوشه وفضلت اتفرج ومبكتبش يجى ساعتين وشكل الروم واللى بيكتبوا حاجه مختلفه قوى بالنسبه ليه وتانى يوم دخلت وكتبت وابتديت اتعرف عليهم بس مكنتش جريئه كنت كل فين وفين لما بكتب بس ناو ومن شهرين بقيت مفتريه امال لما تعدى سنه ههههههه

اول شخصيه تعرفتي عليها عالنت ولساتها عزيزة عليكي؟
كانت سمارة اول وحده اعرفها ولانها من الناس من غير ما تعرفنى كانت بترحب بيه بشكل جميل ولبق وده مش بعيد عليها هيه انسانه محترمه ولسه عزيزة عليه ولو انها اختفت

.اكيد تعرفتي على نااس مختلفين احكي ع شخص يستحق التقدير وشخص تتمنى ما عرفتيه من الاصل ؟

الصراحه كل اللى عرفتهم محترمين ويستحقوا التقديروكلهم غاليين عليه
واللى متمنيتش اعرفهم من الاصل الناس اللى كنا نعرفهم وفجاة اتحولو وبقوا بيشتمونا من غير سبب حسيت انهم ميستاهلوش اننا مجرد نعرفهم مش نصاحبهم

البنت عالنت بتكون هدف كتير من الشباب ليصيدها ايه هي بعض المواقف الي مريتي بيها وتصرفتي ازاي؟

اكيد بس اقولك البنت اللى عايزة يضحك عليها بيضحك عليها بمزاجها يعنى مبقاش فى بنات تعمل نفسها مش فاهمه ده جو افلام قديمه وكنت اما بعمل نفسى محدش دخلى ولما احب اعاقب حد افضحه بالعام واقول مبكلمش برايفت يافلان بتبقى كسفه ههههههه
وانا مش من البنات اللى من السهل يضحك عليهم بالكلام اصلى بتابع افلام كتير وعارفه اللى فيها

.نصيحه للصبايا الي عالنت ؟
اقولهم النت عامه فيه اشتغالات كتير وولاد عايزة تتضيع وقت وميصدقوش حد الا اذا كانوا متاكدين من الحد ده
ولان اغلبيه النت اشتغالات فيحافظوا على نفسهم وعلى مشاعرهم علشان احنا اللى بننجرح وبنتعذب مش هما
وافتكرو انى قلتلكوا بلالالالالالالالالالالالالالالالاش

في اول يوم بالشغل اوصفي احساسك وتصرفاتك؟
احساس جميل انا هاشتغل وهايكونلى كيان وممكن احقق احلامى والاقى حاجه اهتم بيها وممكن اكبر فيها
كنت مكسوفه جدا ومتلخبطه جدا وعامله زى التايهه علشان مش وخده على الناس اللى معايه وكل ما ابص احس انهم بيبصولى احط وشى فى الارض بس ناو هما اللى بقوا يحطو وشهم بالارض هههههه

ما هو موقفك من المدير بتاعك لو قابلك بالشارع مع زميل ليكي بالشغل ؟
طبعا انا اصلا مبقفش مع زمايل رجاله بس هانفترض انو حصل
عادى جدا ولا يهمنى لانى مبعملش غلط لو بعمل غلط ساعتها هاحس بالخوف واظن ان مديرى برضه هايكون عارف اخلاقى ومش هايفكر فيه باسلوب مش كويس ولو فكر عادى انا ليه انا من جوايا انا ايه

بعد شغلك لاكترمن اسبووع ايه رايك بشغل المراه وهل تستطيع الموافقه بين البيت والشغل خصوصا مع وجود اطفال؟

انا من رايى ان المراه لازم تشتغل وتحس بكيانها وانها ممكن تنجح احساس رائع
ممكن طبعا ولو انها هاتكون متعبه ليها اكتر بس فى حاله ان شغلها هيأثر على بيتها من رايى ان بيتها اولى بيها لو زوجها متحملش معاها المسئوليه

تقدملك شااب مناسب جدا وعجبك وكان الشرط انك تتركي الشغل رح توافقي والا لا ؟
مهو الموضوع مش قفش اكيد هنتناقش كتيرررر واما يقنعنى واما اقنعه
بس انتى عارفه اختك طبعا انا اللى هاقنعه مش بالعافيه بالعقل
ولو موافقش بالسلامه والقلب داعيله انا لو شايفه ان شغلى هياثر هاسيبه من نفسى

.لو كنتي مدير شركه يا ترى رح تشغلي وحده متزوجه وعندها اطفال ؟

اه طبعا وايه المشكله اغلبيه الستات اللى بتشتغل بيكون عندهم اولاد وكتير جدا منهم بيكونوا ناجحين جدا فمفيش اى مانع وبعدين انا مع الستات لو هافوت فى الحديد ههههه

كفاااااايه لحد كده عن الشغل والنت والى اللقاء مع وجبه اخرى نكمل بها مراحل حياتك

تنورى ياقمر انتى وخدى بقة مدام انتى مدخلتيش ايدك فاضيه

اخبطى دى

الرد على مى العسوله

_لو انتى ماشية مع صاحبك فى الشارع وللاقتيه بيبص لواحد جامد اوى فى الشارع وبيقولك شايفة البنت دية امورة اوى وكان نفسى اكلم واحدة زيها طبعا هيقول الكلمة دية فى سرة هتعملى ايه ؟

عادى هاقوله مالها عسوله لانى واثقه من نفسى وطبعا ان الحكايه دى اتكررت بشكل يوصل معايه للمضايقه هاسيبه واديله الفرصه يروحلهم متفرقش معايه

ولو انتى دلختى مكان معروف ومشهور ولاقيتى صاحبك مش عارف يتعامل مع الناس جوا يعنى مش عارف يكلم الويتر بأسلوب حلو بيكلمة بأسلوب وحش ولدرجة الناس عمال تبوص عليكوا هتعملى ايه ؟

هحاول اتكلم انا واغطى على كلامه او اخبطه فى رجله من تحت الكرسى
ولو انى بحبه هايبقى كلامه على قلبى عادى لانى مش هاحس بعيوبه لان مرايه الحب عاميه ولو حتى الناس انتقدته انا مش هابقى حاسه بحاجه

وبردو السؤال دة للبنات لو لاقيت الولد بيشرب بصوت عالى اوى فى مكان برغم ان الصوت بيشد انتباه الجست جمبكوا هتعملى ايه ؟

هحاول الفت انتباهوا باى شكل او اتكلم انا بصوت عالى اغلوش عليه ههههههه فضايح

ولو لاقيتى صاحبك جى عليكى وشارب مخدرات ومش قادر يمشى يا ترا هتكلمى معه وهتخرجى ولا هتمشى وهتسبية ؟

ولا اعرفه تانى من الاصل

ولو صاحبك وهو ماشى معاكى وراح طلع سجارة حشيش وعايز يشربها وهو ماشى معاكى هترضى انه يشربها وهو ماشى معاكى

ايه يابت انتى كل اسئلتك على الحشاشين هههههههه
وانا اعرفه ليه اصلا بعدها يشرب بقه مع نفسه دنا ممكن اتسطل على الريحه ههههههه

ولو صاحبك وانتى واقفة مستنياه لاقتية جايب واحد ومأنكجها وجى يعرفك بيها يا ترا هتعملى ايه ورد فعلك هيبقى ايه ساعتها؟
صاحبى حبيبى يعنى اكيد هضايق بس مش هابين وعادى بعد كده ولا اعرفه هانساه

ولو حبيبك اوى وانتى بتحبية اوى دخل على النت ولاقاكى اونلين وراح جاب كل الناس اللى عندة اونلين وهما كمان يعرفوكى وراح جاب واحدة كمان وراح قال ياجدعان مش تباركولى انا خطبت البنت اللى معانا فى الانفيت والكلام دة وانت فى الانفيت هتعملى ايه؟

برضه اكيد هضايق وهاتعذب شويه بس هانسى من نعمه ربنا علينا النسيان ومحدش بيموت بعد اى حد
اكيد هاكمل مع حد يستاهلنى

_ولو صاحبك اتأخر عليكى زيادة عن اللزوم وكل شويه يكلمك على الموبيل ويقولك انا جى دلؤتى اهو اصل الموصولات صعبة وفى الاخر بعد متستنيه كتير اوى اوى يتصل بيكى ويقولك انا مش جى عشان فى ظروف وفى الاخر تعرفى انه كان مع بنت تانية رغم انك بتحبية؟

باى باى طريق السلامه ميلزمنيش خالص

_ولو انتى فى الف ترة اللى بتحبى فيها صاحبك شوفتى شخص تانى واعجبتى بية وحبيتة هتقوليلو ازاى رغم ان الشخص دة صاحب حبيبك وهتقولى لحبيبك ازاى لو هو رضى ؟
طب اقولها ايه دى انتى مجنونه عمرى ما اسيب حبيبى عشان حد ولو كان حسين فهمى
وانا مش من النوع اللى بيقعد يعجب عالولاد كده والسلام

ودة اخر سؤال وانا عايز اعرف ازاى البنت تخلى الولد يبطل سجاير ومخدرات لو انتى خايفة عليه وبتحبية ولو مقدرش هل هتسبية ولا هتكلمى معه.كانت معاكى مى؟

اكيد لو بيحبنى هايسمع كلامى ومش هايشرب علشان انا خايفه عليه ولا ايه

طب اقولك ايه مش قلتى اخر سؤال والنبى ضاربه

-ايه اكتر عيب موجود ف الرجل الشرقى؟

تحكماته عالفاضى والمليان فى الست ونظرته للست انها وحده تخدم وتخلف وبس والغيره الزايده عن اللزوم

ايه اكتر صفة شكلية ترفضيها ف عريس المستقبل؟ يعنى قصير- اقرع كدا يعنى؟

انتى قلتى قصير واقرع ههههههههه
بس الاكتر من الشكل الصفات لو صفاته حلوة ومتدين ومحترم بتغنى عن الشكل

-تفتكرى عريسك يوم ميتقدملك المفروض يلبس ايه؟

مش شرط بدله او قميص وبنطلون المهم يكون لبس متناسق فى الوانه وشيك والجزمه تكون نضيفه انا بعرفه من جزمته هههه

ايه الحاجة اللى من وجهة نظرك تستدعى موقف ووقفة جامدة مع خطييبك لا يمكن تسكتى عليها؟

اكيد انه ميحترمنيش او يحترم رايى وكرامتى اهم شيىء

فرحكو مين من حقو يحدد مكانو؟

عادى بنتناقش وبنوصل لراى واحد مش فارقه فين المهم اننا نفرح

-اول خناقة زوجية وزعقلك جامد اوى هيكون ردك ايه؟
هحاول الفت نظره بالادب طبعا ميعملش كده عشان ميصحش ولو اتكررت هايكون ليه وقفه معاه ولانى مسمحش لنفسى ازعق ليه يبقى هوه كمان يعمل زييى

بوظتى الاكل وميعاد رجوعو من الشغل خلاص هتحلى الموقف دا ازاى؟

عادى ناكل اى حاجه ديليفرى او اى حاجه خفيفه مش حرب يعنى كل واحد ماسك للتانى على غلطة ومظنش انه هايزعل

اكلة هو بيحبها اوى وانتى مش بتحبيها خالص هتعمليها؟ ولو هتعمليها كتير ؟ ولا مرة من نفسو؟

هاعملهالو طبعا ولو طلبها كتير برضه هاعملها وهاعمل لنفسى صنف تانى
مينفعش افرض عليه ميكولش حاجه بيحبها

فاتورة تليفون جت عالية اوى تتوقعى منو يعمل ايه؟
عادى مظنش هايزعل اكيد هايقولى مينفعش وانا هاخد بالى بعد كده

اوصفى حماتك؟ واللى ملهومش يتخيلو ممكن يوصفوها بايه؟
اتمنى تكون طيبه وميحصلش مشاكل عشان لو اتشاقت معايه مش هاتعيش كتير بعدها
وانا مبحبش المشاكل ووجع الراس وربنا يستر لان اللىبيتعب الابن بالاخر

ويمكن اخد عريس ممته اتكلت على الله يكون اريح ههههههههههه بهزر طبعا

يارب الاسئله تكون عجبيتك يا ام جاميكا كانت معكم ع السفره الطويله مى

اسئله جميله مى مشكورررررره مى ياقمر

اخيرا انتهى المعاد المحدد لساندى وعدت الامتحان بتقدير جيد جدا اهنئك ياساندى ومن وجهة نظرى كانت الاسئله رخمه اكتر منها صعبه بس برافو عليكى مايجيبها الا ساندى وزى ماكان رايى فيكى من زمان انتى انسانه عفويه الى جواكى بيطلع دون زيف صريحه للغايه ماكدبتيش خالص ف اسئلتك لا فى كام سوال خفافى مش مقتنع باجابتك عليهم فانتى رقيقة الحس عسليه فى ردوك لبقه احيانا واعتقد انك تنفعى فى وظيفة صحفيه والى الملتقى مع ضيف اخر على كرسى الاعتراف