[center]بعد ماقلت مش هاكتبلك تانى
يالى حبك طلع انانى
يالى كنتى سبب حرمانى
وحبك بيجرى ف شريانى
من غير حبك مش قادر اعيش
من غيرك انا ايه ؟ مفيش
يالى انتى الطائر وانا اللى كنت الريش
حبك بجد ما يتنسيش
عايش فيكى يا امى وكمان باعشق ترابك
وكل يوم يا مصر اصلى ف محرابك
ومش لاقى منك رد غير اسوتك وعذابك
ولو انا ابن عاق كنت قولت يلعن ابو اللى جابك
لكن حبك ف قلبى وساكن جوه شرايينى
واقف على البر التانى يا غاليه عدينى
نفسى اشوف فيكى الهنا يلا ورينى
والا انتى غاويه بس تعذبينى
ومش عارف اعيش فيكى وانا من اهلك
ومن حرقة الاه يا مصر بندهلك
ياما طلعت جبالك ولعبت فى سهلك
وانتى ضيعتينا كلنا يا غاليه بجهلك
دوام الحال فيكى بقى م المحال
لا قادر اعيش فيكى ولا اصرف على العيال
وانتى بتتمخطرى فاكره نفسك غزال
هاشحت برضه وافصلك توب حرير ترجال
مانا ابنك ياما ( يا امى ) ومهما عملتى فيا
حتى لو قادت النار من فوقى وتحتيا
حبك ساكن ف قلبى وهى دى القضيه
ارحمى حبه بقى يعنى شوية حنيه
ومن الاخر ياريت ياما تفهمينى
حبة وسع ف العيش اعيش بس سنينى
لانك كدا بجد بقيتى تجرحينى
عمال الملم جراحك وبرضه بايديكى بتجرحينى
موضوع: برضه بحبك 
