إلى جميع الاعضاء والمشرفين هام

سلام عليكم
سوري يا جماعه بس كان عندي ملحوظة صغيرة ويا ريت الناس ترد عليا لو انا صح او غلط بلاحظ انه القسم ده اسمه خواطر واشعار وفي مواضيع لاتمت للاثنين بصله. ده اول حاجة وثاني حاجة انه يا ريت اللي يحط موضوع يراعي انه في ناس ثانية بتحط مواضيع واننا مش بنلحق نقرى ونرد عالموضوع بيطلع لك 3 مواضيع معاه فيا ريت اللي يحط موضوع يصبر علينا يوم او يومين ويحط موضوع ثاني يسيب لينا حتى وقت نعرف نقرى بتمعن ونعرف نرد ويا ريت بلاش مواضيع منقوله من منتديات ثانية.
اسفة عالتطويل بس ده عشان بحب المنتدى ده وعايزاه يكون من احسن المنتديات وكمان عايزين نستفيد من افكار بعض مش من افكار الناس الثانية.
وفي انتظار الردود تقبلوا مني الشكر الجزيلللللللللللللل.
إكـــــــــــــــــــــــــــــــــراام

بصراحه عندك حق ياكرام انا لاحظت كمان ان فيه مواضيع مكرره الهدف مش كلام وبس الهدف هو سمو الفكر الوجدانى ووضع مواضيع مناسبه فى الاماكن المناسبه اقتراح معقول ياكرام

كلامك منطقى اكرام وانا موافقة عليه لان مثلا انا بحب اطرح مشاكل اجتماعيه وتبقى للمناقشة وللمشاركة بردود الاعضاء فمش معقول احط الموضوع والناس متلحقش ترد ولا تعلق ولا تقول وجهة نظرها يبقى انا بكتبه لمين لنفسى؟

وياريت الاعضاء يدخلو ويقرو الكلام ده ويعملو بيه وليكى جزيل الشكر

اختك الصغننه ساندى

كلامكم كلكم منطقى وجميل بجد انا ملاحظ ان تقريبا الى بيكتب مواضيع حوالى 5 بالكتير هم ساندى اكرام شروق نور عبقرى بيكتب بسيط وتقريبا هما الى موجودين اغلب الوقت بالمنتدى وده عموما ليه عندى شكر كبير اوى المهم الكيف لا الكم اما بخصوص زيادة الاقسام هاعمله اليوم هاعمل قسم للمواضيع العامع والاراء اه قسم حواؤ فموجود قسم للبنات الى هو مشرفه عليكم اكرام ونسيت كمان برنس الى بيشترك بمواضيع كتير اتمنى منه يهتم بقسم الافلام والاغانى اعتقد له فيه خبره واضحه وميرسى لكل الاقتراحات وجارى تنفيذها بس انا الى يهمنى دلواتى الروم الصوتى وربنا ييسر الحال ونشوف روم صوتى كويس واشوف هايتكلف اد ايه وعموما جارى العمل عليه

احييكى اكرام على هذه الملحوظه
احييك لودى على ان اهم شئ الكيف وليس الكم
احييكى ساندى على طلبك ردودنا على كتاباتك
فعلا يا جماعه ارجوكم ادونا فرصه نقرا مواضيعكم بليززززززززززززز
والاخوه الشعرا اللى بيكتبوا قصيدتين تلاته ف اليوم مش عارف ازاى لانى باكتب والموضوع ده صعب اوى الواحد لما يكتب حاجه بيقعد يجمع فيها على الاقل تلت ايام ربنا يعينكم
ارجوا قبول تعليقى بصدر رحب
اخوكم احمد الدالى