وبقيت احتياطى

طلعت احتياطى
وانا اللى فاكرها يا ناس بتحبنى
وكنت فاكر شوقى ليها بيشدنى
وان حبها زلزل كيانى وهزنى
والله كنت فاكرها بتحبنى
--------------------
ياما بعتت لعندى ويا النسيم سلامات
وياما لقيت جواباتها عندى ف البلكونات
مليانه حب وشوق وهيام واهاات.
اتـارينى عايش ف بير وف احلك الظلمات .
-------------------
وبصوا وشوفوا واحكموا انتوا يا ناس
دى اللى كنت بسميها ملكة الاحساس
وكنت ناوى بجد تبقى لبيتى اساس
طلعت زى السيجاره تنباس وبعدين تنداس
-------------------
خايب يالى فاكر انك بتفهم ف صنف النسا .
دانت كبيرك رقم تليفون اتحفظ وبعده اتنسى
بتقول ايه ؟ بتحبك طب يا سيدى لعل وعسى
انشاله تتنعم يا سيدى ومش عايش ف مر وأسـى
-------------------
وانا عن نفسى يا عم حليت خلاص ارتباطى
وفااااصل شحن خالص وموقف نشاطى
ولو قربت من قلبى تسمع نحيبه وعياطى
كنت راس حربه هداف وفجاءه بقيت احتياطى
وعجبى